Pak ditë më parë Komiteti Teknik i Ekspertëve vendosi të ndalojë takimet politike dhe tubimet partiake në ambiente të mbyllura apo të hapura me më shumë se 10 persona. Këto janë konsideruar si burim infeksioni nga covid, por duket se partitë nuk pyesin as për komitetin dhe as për virusin. Në rrjetet sociale përfaqësues të PS dhe PD vijojnë të publikojnë takime me përfaqësuesit e partive të tyre duke reklamuar salla të mbushura në kulmin e pandemisë.
Deputeti i PS-së Sadri Abazi ka zhvilluar sot një takim me delegatët e njësisë 4 në Tiranë. Siç shihet dhe në foto, edhe pse shumica janë me maskë, përsëri kanë shkelur rregullin, pasi janë gati 30 persona në një ambient të mbyllur.
Më “i kujdesshëm” është treguar kreu i FRPD-së, Belind Këlliçi që takimet në ambiente të mbyllura i poston me foto me më pak se 10 persona, por duket se në sallë janë edhe më shumë. Të tilla janë ato që ai ka zhvilluar në 2 ditët e fundit në Cërrik dhe Njësinë 8 në kryeqytet. ©LAPSI.al
po keta do marrin gjobe?