• |
ide | kryesore

Kërcënoi me thikë bashkëshorten e tij, 41-vjeçari arrestohet nga policia e Tiranës

-Instant, Lajme, Të fundit

Arrestohet nga policia e Tiranës një 41-vjeçar, i cili akuzohet për dhunë në familje. Sipas policisë, i arrestuari shkeli urdhrin e mbrojtjes dhe kërcënoi me thikë bashkëshorten e tij.


“Shërbimet e Komisariatit të Policisë Nr. 6, pas njoftimit të marrë se në Yrshek, në ambientet e banesës, shtetasi Ç. M. kishte shkelur urdhrin e mbrojtjes të vendosur nga Gjykata për bashkëshorten e tij dhe po ushtronte dhunë fizike dhe psikologjike ndaj saj, si dhe po e kërcënonte atë me thikë, menjëherë kanë shkuar në adresën e dhënë duke parandaluar përshkallëzimin e mëtejshëm të dhunës dhe ngjarjen e mundshme kriminale.


Shërbimet e Policisë kanë prangosur shtetasin Ç. M., 41 vjeç, si dhe kanë sekuestruar në cilësinë e provës materiale mjetin prerës (thikë), me të cilën ky shtetas e kërcënonte për ta vrarë bashkëshorten e tij”, thuhet në njoftimin e policisë.

Materialet i kalojnë Prokurorisë pranë Gjykatës së Shkallës së Parë Tiranë, për veprime të mëtejshme.

Lini një Përgjigje

Adresa juaj email s’do të bëhet publike.

Kthehu