Mjeku i Urgjencës, Dritan Kociaj thotë se spitali Covid duhet të hapet urgjentisht pasi shtretërit në spitalin “Shefqet Ndroqi”, i shndërruar në spital Covid, janë të zënë.
Nëpërmjet një mesazhi në Facebook, ai shkruan rreth orës 03:00 të mëngjesit se po pret prej më shumë se 3 orësh me një pacient brenda ambulancës.
“Ju lutem zgjohuni dhe hapni Covid 4 qofte edhe me infermiere per oksigjenimin e pacienteve me saturime te ulëta”- shkruan ai.
Postimi i plotë i mjekut Dritan Kociaj:
Thirrje publike.
Drejtuar komitetit te eksperteve, ministres se shendetesise, kryeministrit te vendit.
Ju lutem zgjohuni nga gjumi.
Eshte ora 03 e mengjesit sot dt 22 nentor eshte ftohte dhe kam 3 ore e gjysem me pacient ne autoambulance ne deren e spitalit Shefqet Ndroqi.
Porsi une jane dhe 6 autoambulanca te tjera me paciente.
Vende ne urgjencen pritese po keshtu dhe ne pavione nuk ka.
Vazhdojme t’i nderrojme bombolat e 02 autoambulancave por kjo nuk eshte zgjidhje.
Nderkohe me bindje jua them se ne linjen e 127 kush e di sa jane ne pritje.
Ju lutem zgjohuni nga gjumi hapni syte dhe shikoni te verteten ne sy.
Ju lutem zgjohuni dhe hapni Covid 4 qofte edhe me infermiere per oksigjenimin e pacienteve me saturime te uleta.
Ju lutem zgjohuni dhe angazhoni shtreterit ne spitalet rajonale sadopak qofshin ato.
Ju lutem zgjohuni se neser do jete vone.
Po kolapsohet sistemi.
Cdo jete vlen.
Dhe cdo jete e humbur do jete ne ndergjegjet tuaja jo te ne mjekeve apo infermiereve qe punojme e do vazhdojme te punojme.
Dritan Kociaj mjek.