Nivelet e dioksidit të karbonit në atmosferë kanë vazhduar të rriten edhe në vitin 2020, ndonëse pandemia Covid-19 ka reduktuar emetimet e bëra nga njeriu. Organizata Botërore Meteorologjike ka shprehur , me anë të një deklarate, se duhet shumë më tepër punë e vazhdueshme për një rrafshim i qëndrueshëm i kurbës së ndryshimeve klimatike.
Përqendrimi atmosferik i dyoksidit të karbonit u rrit nga 407,9 në 410,5 pjesë për milion vitin e kaluar. Në deklaratën e OBM-së thuhet se pandemia nuk duhet parë si një zgjidhje për ndryshimet klimatike, por si një mundësi për përpjekje më ambicioze për të zvogëluar emetimet industriale, të energjisë dhe transportit.