• |
ide | kryesore

Mospërputhje e mister, mund të ketë edhe fajtorë: hapet një hetim për vdekjen e Maradonës

-Instant, Sport



Ndërsa bota qan ende vdekjen e Diego Armando Maradona, pas lamtumirës së fundit të Pibe de Oro, shfaqen pikëpyetje e situata pak të qarta që lidhen me orët e fundit të jetës së “Diez”. Të shumtë detajet që nuk korrespondojnë mes ndërtimit zyrtar të policisë e dëshmive. Kështu që për të sqaruar gjithcka, në Argjentinë është hapur një hetim.

Ish-mjeku i Maradonës, Alfredo Cahe, është kapur me mënyrat e zgjedhura për ta ndihmuar pas daljes nga spitali, “e papërshtatshme” sipas mjekut, dhe kjo gjithashtu do të hetohet. Por pikëpyetja e parë e madhe që po mban në ankth Argjentinën ka të bëjë me kohën e vdekjes së Diego Armandos. Përkundër asaj që u pretendua në momentet e para, domethënë e një vdekjeje rreth orës 12 me orën lokale, pas mëngjesit, gjykatësit dhe ekspertët kanë hipotezuar kohën e vdekjes rreth agimit. Psikologu dhe psikiatri që e kishin trajtuar e kanë gjetur atë të pajetë në orën 11.30, duke u përplasur me rindërtimin e infermierit në detyrë atë natë, i cili siguron se e kishte lënë në gjumë, por me frymëmarrje të rregullt, në orën 6.30 në ndërrimin e turnit.

Çështja tjetër për t’u sqaruar ka të bëjë me “kohët e ndërhyrjes” të zgjatura sipas avokatit të Maradonës, Matias Morla. Sidoqoftë, rindërtimet nga komanda, vërtetojnë të kundërtën, jo gjysmën e orës për të ndërhyrë, por 12 minuta gjithsej nga thirrja deri në mbërritjen në vend. Në çdo rast, është gjithashtu e nevojshme të kuptohet se kush, si dhe kur është përhapur thashethemi për mëngjesin që kishte ngrënë Diez, një situatë që nuk ndodhi kurrë.

Hetimet gjithashtu duhet të sqarojnë mënyrat në të cilat Maradona është ndihmuar. “I papërshtatshëm” për ish-mjekun dhe i duhur sipas dëshmive të ndihmës së shpejtë. Me të gjithë ditën ishin infermierja, nipi i tij Johnny dhe shoku i tij Maxi Pomargo, por mbetet të kuptohet pse vetë Diez mbeti vetëm tërë natën dhe pse, duke pasur parasysh problemet e njohura të zemrës, nuk kishte defibrilator në shtëpi dhe një specialist të gatshëm për të ndërhyrë në rast urgjence.

Këto dhe pyetje të tjera do të shqyrtohen nga autoritetet të cilët do të përpiqen të kuptojnë nëse është bërë gjithçka e mundur për Maradonën ose nëse kësaj here, vendimet e atyre që ishin pranë tij ishin fatale për të, për shkak të neglizhencës.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *