• |
ide | kryesore

George Clooney: Amal më ndryshoi jetën

-Instant, Paparazzi, Slider

Në qershor të vitit 2017, George dhe Amal Clooney u bënë prindër të binjakëve, Ella dhe Alexander. Fëmijët mbushën 3 vjeç këtë vit dhe së fundmi aktori 59-vjeçar tregoi për momentin kur mësoi se do të bëhej baba jo i një, por i dy fëmijëve.


“Ne nuk kishim biseduar kurrë për t’u bërë me fëmijë, derisa një ditë thamë: Çfarë mendon?” u shpreh ai në një intervistë për CBS This Morning ku promovoi filmin e tij në Netflix, “The Midnight Sky”.“Shkuam te mjeku dhe më thanë se do të bëhesha me djalë. Thashë që ishte fantastike. Pastaj më tha që ishte dhe një fëmijë tjetër. Papritmas, ishin dy. Është e vështirë të më bësh të mos flas, por qëndrova atje për 10 minuta vetëm duke parë një copë letër e duke thënë, ‘Çfarë? Dy?’.”


Clooney u shpreh se në fillim të marrëdhënies së tyre, ai dhe Amal nuk folën për martesën.Por megjithatë Clooney është goxha i lumtur me mënyrën si ndodhën gjërat në lidhje me raportin e tij me Amal, një avokate për të drejtat e njeriut e cili është gjithashtu partnerja e tij në çështjet e filantropisë. Aktori tha se jeta e tij është bërë më e mirë që pas krijimit të familjes.

“Nuk ka dyshim që të paturit Amal në jetën time ndryshoi gjithçka për mua. Ishte hera e parë që gjithçka që ajo bënte dhe gjithçka që kishte lidhje me të ishte pafundësisht për mua më e rëndësihme se gjithçka tjetër. Është përmbushëse dhe diçka të cilën nuk e prisja kurrë.”

Lini një Përgjigje

Adresa juaj email s’do të bëhet publike.

Kthehu