Kryetari i Partisë Demokratike ka shprehur indinjatën e tij për situatën në të cilën gjenden të rinjtë shqiptarë. Teksa fliste me një vajzë që është kthyer nga Franca për të mbështetur familjen e saj, kreu i opozitës e konsideroi të papranueshme në vend nuk kanë mundësi punësimi për ta. Vajza ka thënë se ka mbaruar dy universitete, dhe një master por vijon të jetë e papunë.
Kryedemokrati ka premtuar se situata do të ndryshojë për të rinjtë shqiptarë pas ardhjes së Partisë Demokratike në pushtet. Me planin e PD-së, sipas Bashës, 10 mijë të rinj që mbarojnë shkollën, do të kenë praktikë të paguar një vit.