• |
ide | kryesore

KQZ nis punën/ Emigrantët shqiptarë do të votojnë me postë në 25 prill

-Instant, Arkiva, Lajme, Të fundit



Në zgjedhjet e 25 prillit, Komisioni Qendror i Zgjedhjeve kërkon që emigrantët të marrin pjesë përmes postës.

Në një raport të siguruar nga ABC, grupi i punës në KQZ ka dalë në këtë konkluzion, edhe pse në vetvete e gjithë panorama paraqitet pesimiste, me rrisqe të larta, pasiguri, kosto financiare, e mbi të gjitha kohë e pa mjaftueshme për ti kryer të gjitha proceset e nevojshme.

KQZ, duke marrë në konsideratë kushtet e Shqipërisë (shtrirjen gjeografike të diasporës, afatet kohore në dispozicion, shërbimi postar, mungesën e sistemeve të zhvilluara teknologjike, vlerëson se më i përshtatshëm për tu zbatuar aktualisht në vendin tonë, është metoda e votimit nga jashtë përmes postës dhe shkarkimit i fletës së votimit online në faqen e KQZ-së. Grupi i Punës velerëson këtë metodë votimi (modeli i Kosovës), si në zgjidhje afat-shkurtër.

Në këtë mënyrë, grupi i punës ka hedhur poshtë idenë e votës nëpër ambasada për shkak të numrit të kufizuara të selive tona diplomatike nëpër botë, si dhe ka përjashtuar votimin online, pasi ai është i pasigurt.

Sipas rrugës së shtruar nga KQZ, emigrantët, së pari duhet të deklarojnë vendbanimet e tyre jashtë shtetit përmes portalit E-albania. Më pas, ai duhet të hyjë në portalin e KQZ dhe të dërgojë një kërkesë ku të shfaqë interesin të votojë. Administrata e komisionit bën verifikime dhe e njofton emigrantin nëse e drejta e tij për të votuar është pranuar.

Në këtë rast, emigrantët grupohen në një regjistër të posaçëm, dhe emri i tyre hiqet nga lista e zgjedhësve në Shqipëri. Fletën e votimit, zgjedhësi jashtë vendit e shkarkon online nga faqja e KQZ-së, dhe pasi e plotëson, e dërgon përmes postës në Shqipëri.

Megjithatë, grupi i punës në KQZ, thotë se ky proces ka anë të dobëta, ku ndër të tjera rreshtohen:

– Siguria që fleta e votimit pas plotësimit nga zgjedhësi arrin në Shqipëri në kohë;

– Mungesa e sigurisë përgjatë rrugës ose para numërimit / mbërritjes në KQZ;

– Kostoja financiare më e lartë për votuesit, pasi posta drejt Shqipërisë është më e kushtueshme;

– Rreziku i shtimit fiktiv të fletëve të votimit.

Grupi i punës në KQZ, nuk ka përllogaritur dot sa do të kushtojë ky proces, por parimisht, thotë se vota e një emigranti mund të kushtojë, nga 22-25 dollarë.



4 Comments

  1. Filluan pergatitjet per te vjedh zgjedhjet…

    Kto nuk po garantojn integritetin dhe sigurine e zgjedhjeve tradicionale me kuti qe jane te monitoruara me kamera dhe me dhjetra persona duke i ruajtur.

  2. Morren shembullin e zgjedhjeve ne shba. Thote mire Rama jam 3 hapa para jush, e vetmja superaftesi. Keshtu ia futen dhe liberal demokratet Trumpit se populli sdo dilte te votonte.

  3. Hajde per hajer dhe me krage te lehta na qofte,Ku nuk ju shkon mendja hajduteve legenave komuniste.Taralant palles verqire veliajt dhe palloshit te gjate

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *