“Jam vërtetë shumë i emocionuar, duhet ndonjë ditë kohë që ta kuptoj që jam bërë kampion i kësaj kategorie. Jam vërtetë krenar që jam me këtë skuderi ku mësova shumë, i detyrohem shumë”. Me këto fjalë Mick Schumacher, piloti gjerman i team Pramac, në përfundim të GP të Sakhir, ka shprehur emocionet e tij për titullin kampion në F2.
“Ky sezon ishte shumë i vështirë, të gjithë ishin në nivel të lartë drejtimi, insistova nga fillimi në fund, u mundova të përmirësohem së bashku me skuadrën e ky është motivi për të cilin arritëm të fitonim titullin. Kjo e sotmja nuk ishte një garë e madhe, por i detyrohem skuadrës për këtë kampionat”, shtoi gjermani, djali i legjendarit Michael Schumacher.
“E di që të fitosh në këto kushte do të ishte sot shumë e vështirë, shumë agresiv në frenim dhe me këtë kompromentova gomat. Ilott kishte një ritëm të mirë dhe unë u mundova të mbaja timin për të vazhduar të shkoja përpara, por pastaj për mua ishte e pamundur të vazhdoja kështu me ato goma dhe vendosa të futesha në boks. Kisha frikë por në fund shkoi mirë dhe jam kampion”, përfundoi Mick Schumacher.