• |
ide | kryesore

PD i rikthehet akuzave: Qeveria fsheh viktimat e Covid

Arkiva, Lajme, Të fundit

Partia Demokratike akuzoi sot sërish qeverinë për fshehjen e viktimave nga Covid 19. Ish-deputeti, Bardh Spahia, iu referua Shkodrës ku ka qenë deputet, duke deklaruar se Ministria e Shëndetësisë ka referua 62 viktima nga koronavirusi në qarkun e Shkodrës në një kohë që vetëm në bashkinë e Shkodrës janë regjistruar 80 vdekje nga Covid. Spahia kritikoi edhe heshtjen e prokurorisë për këtë çështje.


Deklarata e plotë


Para 3 javësh, kryetari i Partisë Demokratike ngriti shqetësimin e fshehjes nga qeveria të numrit të fataliteteve, të shkaktuar nga COVID 19.Përkundër fakteve të paraqitura nga opozita, kryeministri në ikje jo vetëm që nuk dha llogari, jo vetëm që nuk siguroi transparencë, por bëri politikë me viktimat dhe kërkcënoi prokurorinë që të mos hetojë këtë superskandal.

Sot pas 3 javësh prokuroria hesht e frikësuar dhe nën presion nga qeveria. Megjithatë, faktet janë aty!Shkodra është një nga shembujt tipik të fshehjes së të vërtetës nga qeveria. Pasi e la pa teste të mjaftueshme për muaj të tërë, qeveria po i mohon Shkodrës edhe të vdekurit. E bën për të përfituar politikisht duke fallsifikuar të vërtetën.

Dua të sjell para jush sot një shembull të fshehjes së numrit të fataliteteve në Shkodër.

Sipas të dhënave që Ministria e Shëndetësisë jep çdo ditë me zë e figurë, në qarkun Shkodër me 5 bashkitë e tij, Shkodër, Malësi e Madhe, Vau i Dejës, Pukë e Fushë Arrëz kanë humbur jetën 62 persona për shkak të Covid-19. Pra, kaq është numri i fataliteteve sipas ministrisë së shëndetësisë për 5 bashkitë e qarkut Shkodër që nga nisja e pandemisë deri më fund të nëntorit.

Realiteti nuk është ky që jep qeveria! E vërteta është krejt ndryshe.

VETËM Bashkia Shkodër ka të regjistruar në zyrat e saj të gjendjes civile 80 persona, që kanë humbur jetën për shkak të Covid-19. Pra, nga nisja e pandemisë deri në fund të muajit nëntor, në Bashkinë Shkodër, pa llogaritur 4 bashkitë e tjera të qarkut, janë rregjistruar 80 vdekje covid nga 62 që raporton qeveria për të gjithë qarkun.

Asgjë nuk është më kriminale se kaq. Të fshehësh numrin e viktimave për politikë, është përtej çdo norme njerëzore.

Edi Rama po përdor këtë praktikë kriminale të fshehjes së numrit real të fataliteteve nga Covid-19 për të mbuluar dështimin e tij në menaxhimin e situatës të shkaktuar nga Koronavirusi.

Dështimi i Edi Ramës mund të mbulohet përkohësisht nga prokuroria, por njerëzit e dinë të vërtetën. E dinë që ndihma e qeverisë mungon, që testet mungojnë, që personeli mjekësor nuk është i mjaftueshëm, që masat nuk u morën në kohë, që me jetën dhe shëndetin e njerëzve Edi Rama ka bërë dhe vazhdon të bëjë propagandë.

Kjo qeveri po manipulon të dhënat për të mbuluar dështimin dhe përgjegjësinë e saj.

Si mjek, shqetësimi i parë për këtë akt të paprecedentë të qeverisë, lidhet me uljen e ndërgjegjësimit tek qytetarët për përballjen me Koronavirusin. Ata duhet të dinë të vërtetën, sado e rëndë të jetë, për të qenë sa më të kujdesshëm dhe për të marrë çdo masë personale.

Së dyti, si qytetar dhe si mjek, shpreh revoltën se fshehja e fataliteteve nga qeveria nuk mund të përdoret si justifikim për mungesat jetike në shërbimin shëndetësor, që janë përgjegjësi totale e qeverisë.

Mjekët duhen ndihmuar me gjithçka, për të mos paguar me jetën e tyre, siç po ndodh tani, dështimin dhe propagandën e qeverisë.

Qyetarët nuk meritojnë një qeveri që fsheh dhe bën politikë edhe me numrin e të vdekurve. Njerëzve u duhet një qeveri funksionale, që punon për ta! Është koha për ndryshim!’

2 Comments

  1. O Lapsi.al , o palo anslist leshi Andi Bushati , o nipi i ish diktatorit Hysni Kapo , pyete nje here ate pslo mjek e palo politikan leshi Bardh Spahine , i biri i Ali Spahia , se a ka qene babai tij Spiun i ish Sigurimit te Shtetit , siç edhe babai yt nga Shkodra dhe ti domosdo qe ke qene Spiun i ish Sigurimit famekeq te Shtetit ! 🖕🖕🖕🖕🖕🖕🖕🖕

  2. Bardh Spahia. Funksionari i PDs qe djeg shkolla per tu bere deputet.
    Imagjoni ket karin minister shendetesie, Monika zv kryeministre, Lul kamarieri rinasit, kryeminister, Ilir Meta President, Sali Berisha kryetar kuvendi.

    Ah po edhe Clirim Gjaten cunin e gykatesit te komunizmit qe i thynte dhomet me revole te arrestuemve. Ate do e bojme minister drejtesie.

Lini një Përgjigje

Adresa juaj email s’do të bëhet publike.

Kthehu