• |
ide | kryesore

Administrata e Ushqimit dhe Barnave: Vaksina kundër COVID-19 nga Pfizer dhe BioNTech i plotëson kriteret për sukses

-Instant, Lajme, Planet

Administrata e Ushqimit dhe Barnave, FDA thotë se pas një analize të hollësishme që ka kryer, vaksina e parë kundër Covid-19 që po konsiderohet për shpërndarje në SHBA, e kompanisë Pfizer dhe BioNTech, “i plotësoi kriteret e përcaktuara për sukses”, duke paralajmëruar se agjencia së shpejti do t’i ndezë dritën jeshile produktit historik, raporton “The Wall Street Journal”.


Sot agjencia FDA publikoi ​​dy analiza të veçuara nga njëra tjetra, një nga shkencëtarët e stafit të saj dhe një nga prodhuesit e vaksinave, Pfizer Inc. dhe partneri gjerman BioNTech SE.


Analiza e kryer nga FDA, nënvizonte “përfitime të ndryshme” nga kjo vaksinë.

Këto përfitime përfshinin “zvogëlimin e rrezikut të konfirmimit me Covid-19 të paktën shtatë ditë pas marrjes së Dozës së dytë”. Vaksina Pfizer kërkon përdorimin e dy dozave për mbrojtje të plotë nga virusi.

Përveç kësaj, FDA tha se një përfitim tjetër ishte ulja e rrezikut për të qenë pozitiv me Covid-19 pas dozës së parë dhe para marrjes së dozës së dytë të vaksinës.

Një përfitim tjetër i qartë, tha agjencia, ishte “zvogëlimi i rrezikut të simptomave të rënda të Covid-19 në çdo kohë pas marrjes së dozës 1.”

Referenca për zvogëlimin e rrezikut nga simptomat e rënda të sëmundjes, e konfirmuar, ishte e rëndësishme, pasi kritikët ishin të shqetësuar se vaksina mund të lehtësonte vetëm simptomat e lehta dhe të moderuara të sëmundjes.

Lini një Përgjigje

Adresa juaj email s’do të bëhet publike.

Kthehu