Dy lokale janë shkrumbuar nga flakët gjatë natës në Shkodër. Zjarri që ka përfshirë 2 lokalet e katit të parë, është përhapur duke bërë që të marrë flakë edhe e gjithë fasada e jashtme e pallatit.
Ngjarja ka ndodhur rreth orës 03:00 të mëngjesit dhe shkak i zjarrit dyshohet të ketë qenë një shkëndijë elektrike. Në flakë është përfshirë edhe ashensori i pallatit por fatmirësisht nuk ka dëme në banesa.
Dëmtime kanë pësuar edhe grilat e dritareve të banesave në katet e mësipërme.