Paolo Rossi, heroi i Spanjë ’82, nuk është më. Një lajmi tmerrshëm, që mbërriti në zemër të natës: futbolli, Italia, bota përlotet për Pabliton e madh, të ndarë nga jeta në moshën 64 vjecare, viktimë e një të sëmundje të pakurueshme. Lindur në Prato në 23 shtator 1956, një karrierë mes Juventus, Vicenza, Como, Perugia, Milan e Verona, Rossi ishte protagonisti e arkitekti i asaj aventure që e coi kombëtaren italiane të udhëhequr nga Enzo Bearzot në triumfin spanjoll, duke i dhuruar vendit trofeun e tretë të Kupës së Botës. Tre gola ndaj Brazilit, në atë 3-2 historik në Stadio di Sarriá të Barcelonës në 5 korrik 1982, pastaj dygolëshi në gjysëmfinale ndaj Polonisë e në fund goli që hapi rezultatin në 3-1 ndaj Gjermanisë Perëndimore në finale. Rossi ishte golashënuesi i Botërorit e në të njëjtën vit fitoi Topin e Artë.
Pablito ka luajtur me Como, Lanerossi Vicenza pastaj në Perugia e me Juventus nga 1981 në 1985 përpara dy sezoneve të fundit me fanellat e Milan e Verona. Me bardhezinjtë ka fituar dy kampionate, një Kupë Kupash, një Superkupë Uefa e një Kupë Kampionësh. Pasi përmbylli karrierën si futbollist ka qenë gjatë opinionist për Mediaset, Sky e Rai. Lë pas gruan Federica, e tre fëmijët: Sofia Elena, Maria Vittoria e Alessandro.
TË SHTUNËN FUNERALI NË VICENZA
“E donte Vicencën si pak të tjerë. Të kujtoj me buzëqeshje. Udhëtim të mbarë Paolo”. Ky është mendimi i parë i kryebashkiakut të Vicencës Francesco Rucco. Për Pabliton, kaq shumë i lidhur me qytetin është lajmëruar ditë zie për qytetin dhe flamuj në gjysëmshtizë. Zia do të mbetet deri në ditën e funeralit, që do të mbahet të shtunën në 12 dhjetor në Katedralen e Vicencës.
U SHUA NË SPITAL PAS NJË SËMUNDJE TË RËNDË
Rossi është shuar në poliklinikën Santa Maria alle Scotte në Siena, administruar nga kompania spitalore-universitare sieneze. Ishte shtruar pas agravimit të sëmundjes që iu diagnostikua në pranverën e kaluar. Në verë, ish-futbollisti i ishte nënshtruar një ndërhyrje kirurgjikale në spitalin Santa Maria në Gruccia di Montevarchi (Arezzo). Prej disa javësh gjendja e tij shëndetësore, sipas asaj që mësohet, ishte përkeqësuar papritur.