Komiteti Teknik i Ekspertëve nuk u mblodh këtë javë për të ndryshuar masat dhe kufizimet aktuale që kanë për qëllim frenimin e përhapjes së pandemisë. Por ndërsa festat e fundvitit janë në prag dhe një numër i madh shtetet evropiane kanë forcuar kufizimet, në Shqipëri ekspertët ende nuk kanë marrë vendim për ashpërsimin e tyre.
Zv.ministrja e Shëndetësisë, Mira Rakacolli tha se grupi i ekspertëve po e monitoron situatën me shumë vëmendje para se të marrë një vendim.
Sipas saj, ulja e numrit të shtrimeve në spital këtë javë ka qenë indikator që ekspertët të mos dalin me vendim për masa të reja.
“Të gjitha masat janë marrë në përputhje me zhvillimet e situatës epidemiologjike, pra me vlerësimin e atyre treguesve që i kemi quajtur të rëndësishëm, numri i rasteve ditore, sidomos numri i të shtruarve në spitale, të sëmurëve rëndë që kërkojnë shtrim spitalor dhe humbjeve të jetës.
Ne e ndjekim vazhdimisht në mënyrë rigoroze këto tregues e themi që javën e fundit që është java e 50 nga fillimi i epidemisë kemi pasur nr të qensrueshëm ditor rastesh të reja e javën e fundit sidomos ulje të rasteve të shtruarve në spitale.
Kështu jemi duke e monitoruar me kujdes, mendojmë se kjo koincidon dhe me kohën që i është dashur masave me intensitet mesatar që kemi marrë.
Do e shohim me rigorozitet këtë tendencë e në varësi të analizave, do shohim. Trendi është ky që thashë, këtë javë të shpresojmë që do vijojë ky trend“, tha Rakacolli në emisionin “Open”.
Kumandari yt, Oj rakacolle, ka zgjedhje mbas 3 muajsh!
Keshtuqe e genjen mendja qe t’i lere delet te lira te livadhisin e te mos ia mohojne ate vote te shkrete qe ky do t’ua kerkoje shume shpejt.
Nga ana tjeter, nje mbyllje e dyte do te thoshte kompensim financiar te pergjithshem, gje qe Kumandari yt…..