Pas barazimit në Torino, Atalanta kthehet tek fitorja në javën e 13 të Serie A, duke iu afruar vendit të katërt që vlen Champions League. Në Geëiss Stadium të Bergamos zikaltrit e panë veten menjëherë në disavantazh përballë Romës të ndëshkuar nga një gol i shpejtë i Dzekos, por përmbysën gjithcka në pjesën e dytë me golat e Zapata, Gosens, Muriel e Ilicic, që është kthyer të jetë një lider i vërtetë. Verdhekuqtë, pasi luajtën të enjten, ranë fizikisht dhe u kaluan në renditje nga Juventus.
Në Atalantën pa Gomez, Gasperini hoqi dorë nga minuta e parë edhe nga Ilicic e Muriel, por jo nga Djimsiti, që formoi repartin me Toloi e Romeron. E megjithatë bergamaskët e nisën ndeshjen keq me Mykhitaryan që u arratis në të majtë për ti dhënë Dzekos një asist që nuk mund ta gabonte. Boshnjaku kaloi verdhekuqtë në avantazh në minutën e 3 e arriti Motellan për numrin e golave në Serie A me fanellën e Romës.
Ndeshja ktheu në pjesën e dytë me skuadrën e Gasperinit që është krejt tjetër nga ajo e 45 minutave të para. Ilicic, tashmë i thirrur në cështje, shpiku një asist të cmuar për Zapatan, që i shpëtoi pozicionit jashtë loje e shkarkoi fuqinë e tij duke e dërguar topin në rrjetë. 1-1 e sulmuesi kthehet tek goli pas 6 ndeshjesh në kampionat. Ilicic është vecanërisht i inspiruar: slloveni dhuron asistin e dytë të mbrëmjes për goditjen me kokë të Gosens, që shfrytëzoi daljen e pasigurtë të Mirantes duke përmbysur ndeshjen. Sapo mori avantazhin Gasperini freskoi sulmin me Muriel, që në topin e parë të prekur kaloi edhe portierin dhe siguroi rezultatin. Goli i 13 si zëvendësues për kolumbianin që kur është në Bergamo. Në fund Atalanta e mbyll me poker, në një aksion personal të Ilicic, që certifikoi rikthimin e tij me një gol e dy asist. Zikaltrit ngjiten në kuotën 19 e afrohen me Europën, Roma mbetet në kuotën 24 pikë e kalohet nga Juve.