Presidenti francez, Emmanuel Macron nuk ka më simptoma të sëmundjes COVID-19, që shkakton koronavirusi, ka thënë zyra e Pallatit Elysee më 24 dhjetor.
Macron, 43-vjeçar, tani mund të dalë nga karantina, pasi është vetizoluar për shtatë ditë, ka njoftuar kjo zyrë përmes një deklarate.
Macron është përballur me kokëdhembje, koll të thatë dhe lodhje për disa ditë.
Franca është një prej vendeve të prekura më së keqi në Evropë nga pandemia e koronavirusit, me më shumë se 2.5 milionë raste të konfirmuara dhe rreth 62,000 viktima.
Liderë tjerë që janë infektuar me koronavirus janë edhe presidenti amerikan, Donald Trump dhe kryeministri britanik, Boris Johnson, të cilët janë shtrirë në hospital mirëpo janë shëruar për të vazhduar detyrat e tyre, raporton Radio Evropa e Lirë.