Napoli e përfundoi vitin 2020 duke mbledhur vetëm një pikë në tre ndeshje, i penalizuar natyrisht edhe nga mungesat e shumta në sulm, por për fillimin e vitit 2021 Gattuso shpreson të rikuperojë Victor Osimhen, i dëmtuar që nga 13 nëntori në një impenjim me ekipin e tij kombëtar. Procesi i rehabilitimit ishte i gjatë dhe e detyroi sulmuesin të fluturonte për në Belgjikë, në Antëerp, por tani kthimi në Itali (dhe në fushë) duket se është shumë afër. Sulmuesi pritet në Napoli të mërkurën, 24 orë pas rifillimit të stërvitjes, dhe klubi shpreson ta ketë atë në dispozicion të paktën në 6 janar, kur të ndeshen me Spezia.
Siç shpjegon La Repubblica, pas kthimit të nigerianit nga Antwerp Osimhen do të vizitohet nga mjeku i klubit, Raffaele Canonico, i cili do të bëjë një vlerësim të situatës dhe do të saktësojë rikuperimin e lojtarit. Napoli – shkruan e përditshmja – shpreson të jetë në gjendje ta thërrasë atë për të mërkurën e 6 Janarit kundër Spezia ose, më së shumti, të dielën pasardhëse për ndeshjen kundër Udineses jashtë fushe. Por qëllimi i vërtetë i klubit të kaltër është ta ketë atë në krye për SuperKupën në 20 Janar, në finalen e Mapei Stadium në Reggio Emilia kundër Juventus.