Ndërsa shumica e trajnerëve dhe ekipeve po presin vetëm dritën e gjelbër për fillimin e dritares dimërore të transferimeve, Zinedine Zidane dhe Real Madrid shkojnë në të kundërt. Trajneri francez është i kënaqur me skuadrën aktuale dhe nuk ka kërkuar blerje ose shitje: një zgjedhje e diktuar nga pasojat ekonomike të koronavirusit. Të gjitha sforcot e pronësisë së Blancos shtyhen për në verë kur të përpiqen të arrijnë tek Kylian Mbappé.
Në këtë skenar të reklamuar nga merengues, ka pasoja edhe për klubet italiane, që janë të interesuara për lojtarë të Real: mjafton të mendosh për Milan që e konsideron Jovic një nga profilet më interesant për të zëvendësuar Ibrahimovic (me formulën e huazimit). Sulmuesi serb, në listën e të pakënaqurve, bashkë me Isco dhe Marcelon, është i destinuar të qëndrojë të paktën edhe gjashtë muaj tek Real.
E përditshmja spanjolle AS, e cila përshkroi situatën në Casa Blanca, zbuloi gjithashtu se Isco ka vendosur të largohet nga Real Madrid verën e ardhshme dhe destinacioni i tij i preferuar është Sevilla. Mesfushori mendon se Lopetegui është trajneri me të cilin është ndjerë më mirë (në kohët që drejtonte kombëtaren spanjolle) dhe në moshën 28 vjeç ai beson se të kthehen të punojnë së bashku do të ishte një mundësi e mirë për të ringritur karrierën e tij.