Shqipëria i dhuron 250 mijë euro Kroacisë për të përballuar dëmet e tërmetit të fortë që e goditi ditën e djeshme vendin.
Prej tërmetit u shkatërrua pothuajse gjysma e qytetit të Petrinjës, ku janë raportuar të lënduar dhe një viktimë deri tani.
Lajmin e bën me dije kryeministri Edi Rama në një postim në Twitter.
“Sapo u nënshkrua dekreti i Qeverisë së Shqipërisë për të dhuruar 250 mijë EURO Kroacisë vëllazërore për të ndihmuar rilindjen e Petrinjës pas tërmetit shkatërrues! Kroacia është një shembull i rezistencës dhe një model për ne në transformimin e saj të mahnitshëm në një vend krenar të BE-së”, shkruan Rama.