Daçiç: S’do lejojmë që Bosnja e Hercegovina të njohë Kosovën

Ivica Daçiç, kryetari i Kuvendit të Serbisë tha se gjatë ditës së sotme se nuk do të lejonte që të hiqet Republika Srpska nga Bosnja dhe Hercegovina. Në fjalën e tij ai theksoi se nuk do të lejojë që Bosnja dhe Hercegovina të njohin Kosovën.

“Ne nuk mund të lejojmë dikë të sfidojë Republika Srpska, të kërkojë heqjen e saj, ose të kërkojmë që BeH të njohë pavarësinë e Kosovës. Ne nuk e kemi toleruar atë deri më tani dhe nuk do ta bëjmë as në të ardhmen”, ka thënë Daçiç në një intervistë për Srna.

Deklarata të tilla nga Daçiç janë dhënë vazhdimisht dhe në kohën kur ai ka shërbyer si Ministër i Punëve të Jashtme ka lobuar vazhdimisht që të ndalojë anëtarësimin e Kosovës në organizata ndërkombëtare.