• |
ide | kryesore

AUDIO/ Dalin përgjimet e Trump duke u bërë presion vartësve: Më gjej 11,780 vota

Arkiva, Lajme, Të fundit

Presidenti Donald Trump i bëri presion një zyrtari të lartë të zgjedhjeve të shtetit të Xhorxhias për të “gjetur” vota të mjaftueshme për të përmbysur rezultatin e zgjedhjeve në këtë shtet, ku ai ka humbur. Kjo është një nga përpjekjet më të fundit të zotit Trump në kuadër të pretendimeve të tij mbi manipulimin e zgjedhjeve, sipas njoftimit të gazetës “Washington Post”, e cila ka arritur të sigurojë një regjistrim audio të një bisede telefonike të zhvilluar ditën e shtunë.


Gazeta “Washington Post”, e cila të dielën publikoi fragmente të telefonatës, që zgjati një orë mes zotit Trump dhe sekretarit të Shtetit të Xhorxhias Brad Raffensperger, gjithashtu republikan, tha se zoti Trump paralelisht e mburrte, i lutej dhe e kërcënonte zotin Raffensperger me pasoja të paqarta penale, në një përpjekje për të zhbërë humbjen e tij në këtë shtet ndaj presidentit të zgjedhur Joe Biden.


Gazeta tha se gjatë gjithë telefonatës zoti Raffensperger dhe këshilltari juridik i zyrës së tij, i kishin hodhur poshtë pohimet e zotit Trump. Zoti Raffensperger i tha presidentit se ai po mbështeste teori konspirative të hedhura tashmë poshtë, ndaj atyre që ai i cilësoi si zgjedhje të lira e të drejta. Pjesë nga telefonata e regjistruar të botuara nga gazeta e konfirmonin një gjë të tillë.

“Njerëzit e Xhorxhias janë të zemëruar, amerikanët janë të zemëruar”, tha zoti Trump, sipas një fragmenti të shkëputur nga regjistrimi i telefonatës, botuar në internet nga gazeta The Washington Post. “Dhe nuk ka asgjë të keqe të thuash, e di çfarë….. i rillogaritëm rezultatet”.

“Pra ajo që dua të bëj, është thjesht të gjej 11,780 vota, që është një më shumë se sa kemi. Sepse ne e fituam shtetin”, shprehej zoti Trump gjatë telefonatës së regjistruar, duke këmbëngulur se nuk kishte asnjë mundësi që ai të kishte humbur garën në këtë shtet.

Shtëpia e Bardhë nuk pranoi të komentojë mbi këtë çështje. Zyra e zotit Raffensperger nuk iu përgjigj menjëherë kërkesave për komente. Po kështu edhe zyra e tranzicionit e zotit Biden nuk ka bërë deri tani asnjë koment mbi këtë çështje.

Xhorxhia është një nga disa shtetet kyçe, në të cilin zoti Trump humbi gjatë zgjedhjeve të 3 nëntorit ndaj zotit Biden. Por që prej asaj kohe zoti Trump ka bërë akuza të pabazuara për manipulim me zgjedhjet dhe ka kërkuar të përmbysë rezultatin. /VOA


8 Comments

  1. Po c’vartes mo lapsi? Sekretaret e shteteve jane te zgjedhur me vote popullore. Ndryshojeni titullin se nuk eshte turp te pranosh gabimin por te kembengulesh si mushka.

  2. O lapsi pse e beni veten leshko? Pavarsisht se artikullin e keni kopjuar nga nje website tjeter, ju duhet te mireinformoheni ne fillim se sa e sakte eshte ngjarja qe keni ri-postuar. Ketu gjerat jane nxjerre jashte kontekstit (nga kush tjeter pervec se Washington Post-it). Trumpi po kerkon votat e VETA qe ja kane vjedhur dhe jo qe ti “gjejne 11780 vota”, e kuptoni tani pacavuren qe keni postuar me deshire?

    6 Janari po vjen … Gjera do ndodhin nga data 6 deri me 20 Janar. Beni durim!

  3. E lexova këtë lajm edhe në media të tjera.
    Ajo që të bën përshtypje është se nuk jepet drejtë për drejtë teksti me thëniet e z.Trump, po komentohen thëniet e tij.
    P.ër shembull në Shqipëri është dhënë nga të gjitha mediat teksti i plotë i fjalimit të Ramës në Kongresin e PS, ku ai ju drejtohet gjithë mavrive se e kanë për detyrë që të sigurojnë 800 mijë vota në zgjedhjet e ardhëshme.
    Mendoni për një moment sikur Trump të kishte kërkuar publikisht që për te të sigurohen rumbullak 80 milion vota në zgjedhjet presidenciale, se çfarë furtune mediatike do të prodhonin mediat e majta të botës

Lini një Përgjigje

Adresa juaj email s’do të bëhet publike.