Futbollisti i Sheffield United, Lys Mouset, dyshohet se është përfshirë në një aksident rrugor, duke u gdhirë e hënë, kur Lamborghini i tij ka dalë jashtë kontrollit duke goditur makinat e tjera që ishin të parkuara. Pas aksidentit, policia shoqëroi 2 persona, njëri prejt të cilëve pikërisht futbollisti i njohur.
Aksidenti ndodhi në rrugën “Abeydale” në Sheffild e, sipas ndërtimit të parë të ngjarjes, Lamborghini i lojtarit, si pasojë e shpejtësisë mbi kufirin e lejuar, doli nga kontrolli, duke u përplasur me disa automjete të tjera. Mediat britanike raportojnë se dyshohet së pikërisht Mouset, është përplasur, ndërkohë që në rrjet qarkullon edhe një foto e makinës së dëmtuar.