Në kohë “normale” 25 milionë (shuma që Interi do të donte të mblidhte për shitjen e Eriksen) nuk do të ishin asgjë, ose pothuajse asgjë, për arkat e PSG. Por jo sot, jo në mes të pandemisë. E kështu Mauricio Pochettino, i sapo ulur në stolin e parizianëve, është i detyruar të merret me një buxhet që edhe emirët bujarë të Katarit u duhet ta llogarisin. Sidoqoftë është e pashmangshme që në konferencën për shtyp trajneri argjentinas duhet të “mbrojë veten” nga pyetjet e reporterëve francezë dhe për ta bërë këtë, atëherë, nuk ka “mburojë” më të mirë se Leonardo: në fakt pikërisht drejtorit sportiv brazilian që ish-trajneri i Tottenham i kalon topin kur flitet për dy emra të nxehtë, njëri për të tashmen (Eriksen) dhe tjetri për të ardhmen e afërt (Messi): “Eriksen? Tani nuk është koha të flasim përsëri për zëra. Është një periudhë e vështirë për të gjithë, çdo klub duhet të përshtatet, por unë mendoj se Leonardo do të bëjë zgjedhjet më të mira për ekipin dhe për të arritur qëllimet tona. ”
Lëvizje inteligjente njësoj si ajo e përdorur më pas kur në skenë doli emri i Messit: “Santa Claus tashmë më ka bërë një dhuratë duke më lejuar të gjej këtë klub dhe të stërvis një ekip të tillë. E dimë që në klube si PSG ka shumë zëra, tani sapo kemi mbërritur. Ne do të përpiqemi të përshtatemi, do të shohim më vonë për thashethemet. Nuk kemi folur ende për të gjitha këto: kemi mbërritur vetëm në 2 janar … Ka gjëra për të përgatitur, me një ndeshje të parë pas disa orësh. Do të kemi kohë të flasim për të gjithë këto tema. Ajo që mund të them është se çdo lojtar i mash këtu është i mirëpritur”.