Shirat e shumta, të cilat kanë rënë ditët e fundit kanë sjellë rritjen e prurjeve të lumit Shkumbin, duke sjellë edhe probleme në infrastrukturë.
Siç duket edhe nga pamjet, uji ka gërryer shtratin e lumit duke sjellë edhe rrëshqitje të rrugës në aksin nacional Librazhd-Elbasan.
Ditën e djeshme Shkumbin doli nga shtrati dhe si pasojë e fryrjes për shkak të reshjeve të dendura u përmbytën edhe toka bujqësore.