• |
ide | kryesore

SMS të reja/ Pagoi 8 milionë lekë sanitaren e spitalit Covid, por nënës nuk i dhanë as bukë

-Instant, Arkiva, Lajme, Të fundit



Emisioni “Stop” transmetoi ditën e sotme rastin skandaloz në spitalin Covid 2, ku një sanitare hiqej si infermiere dhe i mori një të reje një shumë të madhe parash për t’iu kujdesur për të ëmën e shtruar për shkak të koronavirusit. Por kjo e fundit fatkeqësisht ndërroi jetë.

Komunikimet nëpërmjet Whats App-it të vajzës dhe nënës së saj 55-vjeçare, e cila ndërroi jetë në spitalin Covid 2, faktuan se edhe shërbimi edhe përkujdesja ndaj të ndjerës, nuk kanë qenë ato, që pretendohen.

E ndjera është ankuar, se Tirja i ka hequr bukën, ujin dhe nuk e ka ndërruar, për shkak se të gjitha nevojat personale, ajo detyrohej t’i kryente në krevat.

“Fakti që mami im iku, u nda nga kjo jetë, unë kam dyshimet e mia që ka pasur një trajtim shumë të ulët. Nuk ka marrë trajtimin e duhur. I ka munguar ushqimi. I çoja ushqim, mami më thoshte më ka sjellë vetëm supë ndërkohë që unë i çoja duke filluar nga kosi, kosi i frutave, lëngjet e shtrydhura. Mamit i çonte vetëm supën. Atëherë duke qenë se mamaja ime ishte me 5 burime oksigjeni nuk ishte në gjendje që të ngrihej në tualet vetë dhe duhej që të mbante pampersa. Kishte 4 ditë pa marrë klizmën, ndërkohë kjo më thotë që e ka marrë klizmën, ka marrë edhe lekët. Më ka marrë 40 mijë lekë atë natë sepse normalisht do të ndërrohet dy-tre herë. Mami më shkruan në mesazh dhe më thotë: Mami nuk më kanë bërë klizmën. Ky ishte dyshimi i parë. Katër ditë ia kanë lënë në sirtar. E pyeta, po më tha që e ka bërë. Kam mesazhet e mamit që më thotë po vuaj shumë se nuk më bëjnë klizmën. Pjesa e dytë ishte që kam sërish bisedat në telefon që më thotë, mami më kanë larguar karrigen e ushqimit, më kanë larguar edhe ujin dhe kanë ardhur duke bërtit, më kanë thënë: do hash dhe po pish vetëm lëngje. Do hash kur do të them unë sepse zonja që është sanitare e ka merak të të ndërrojë, ndërkohë që mua më merrte lekët. Kjo nuk ka ku të shkojë gjë më të rëndë, t’i largojë karrigen e ushqimit një të sëmuri që është me 5 burime oksigjeni, ka nevojë për ujë gjatë gjithë kohës”, tregoi vajza e viktimës.

KOMUNIKIMET

Pacientja: Jam shumë keq e më kanë shtuar oksigjen. Motër a keni dhënë ndonjë lek se edhe Tirja mezi po vjen sot. Doktoresha nuk vjen.

Vajza: Kanë marrë lekë të gjithë po është Titi aty. Mami je mirë, veç duhet të rrish e qetë. Gjithë mjekët thonë që i merret fryma nga stresi.

Pacientja: Mirë zemër, unë nuk kam stres.

O ti je princesha jonë, po më dërgon edhe Nela 200 Euro tani. Për Zotin do bëhesh shumë mirë.

Pacientja: Ju dua shumë!

O jeta ime.

Pacientja: Erdhi Tirja duke më bërtit pse kisha dalë jashtë. Duke më thonë s’do hash asgjë vetëm lëngje do pish se nuk duron kjo gruaja.

Ouu. Vetëm Tirja ka marrë 40 mijë lekë dje. Sot i dhashë 100 doktoreshës dhe 30 infermieres. Bëje sa herë të të vijë ty.

Pacientja: Ma ka larguar karrigen me gjërat e mia. Do të hash kur të them unë thotë. Ai mos nuk i jep lekë kësaj për vete? Mos se po më bëjnë ndonjë gjilpërë. Jam keq, fol me Tiren. Më ka rënë oksigjeni. Thuaji Tires të vijë pak.

Më thuaj a erdhi njeri dhe sa e ke oksigjenin. Më thuaj të lutem.

Pacientja: Asnjë, as Tirja.

Mami veç rri e qetë për momentin se ndaj lëvizin aparaturat. Tirja po vjen, jam jashtë pa merak.

Pacientja: Merr doktoreshën.

Ok.

Pacientja: A fole me Tiren? Më kthe përgjigje.

Po është afër.

Pacientja: Mos më le me vdek, jepi lekë ndonjë tjetri. Jam bërë hekur në gojë. S’kam doreza e gërshërë të vogla me pre pampersin se pastrohem vetë. Po s’ke prurë asnjë palë doreza. Ku je? Erdhi dhe iku pa prek gjë me dorë se ça bie ti nuk fus gjë në gojë. I merr mbasdite në shtëpi mbasdite mashtruesja. Mos thuaj gjë, mos jep gjë pa thënë unë. Ngordha për ujë.

Ok. Tani po e bie Titi. Ok.

Pacientja: Merre infermieren.

Si je tani? A u qetësove?

Pacientja: Jam në siklet.

Ça ke? Ca ndjen shpirt, Më shkruaj për çdo gjë.

Pacientja: Mirë.

Kam lajmëruar doktoreshën, rri e qetë të lutem.

Pacientja: Tirja nuk ka ardh fare. Nuk kam hongër sanduiç sonte më tha.

Vajza, që humbi nënën, realizoi një takim me sanitaren, që hiqej si infermiere, Tire Alldervishi. Kjo e fundit pranoi marrjen e parave çdo ditë, madje tha se ka marrë edhe për infermierët dhe mjekët, që i kanë shërbyer të ëmës.

Denoncuesja: Tire si je? Ka mundësi të flasim dy minuta?

Sanitare Tirja: Këtu në rrugë?

Denoncuesja: Këtu, se s’kam vend tjetër. Nuk e di, a e ke marrë vesh për mamin tim?

Sanitare Tirja: Po, që ju la…Qoftë e xhenetit, ju pastë lënë uratën!

Denoncuesja: Nga ty jam shumë…

Sanitare Tirja: Unë, sa pata mundësi, sa pata në dorë…

Denoncuesja: Unë jam shumë e zhgënjyer, unë të dola borxhit edhe po të dal. Të thashë: Tire nuk dua asnjë lek nga ça kam dhënë për të tjerët, ti e di shumë mirë shumat, sa janë marrë. Unë kam nevojë për ato lekë tani, se e kam babin në gjendje shumë të rëndë.

Sanitare Tirja: Dëgjo e lejmë një ditë, se jam me nusen e vëllait..!

Denoncuesja: Tani, unë dua vetëm një përgjigje!

Sanitare Tirja: Do flasim dhe unë kam qenë shumë e hallakatme.

Denoncuesja: Tire, unë babin e kam në gjendje shumë të rëndë.

Sanitare Tirja: E di, e di.

Denoncuesja: Unë kam shumë nevojë për ato lekë!

Sanitare Tirja: Nuk ke pse e bën aq të madhe, s’ka lënë jevg e harrixhi… pa më thënë…

Denoncuesja: Unë kam mbledh gjithë infermierët dhe doktorët dhe më kanë thënë nga Tirja s’kemi marrë asnjë…

Sanitare Tirja: Unë të thashë, më thuaj një?

Denoncuesja: Edhe kur ke bërë telefonatën me Titin, kush ishte sanitare, apo nuk e di, kur është bërë telefonata me Titin, ka thënë, që më ka dhënë dy herë nga 5 mijë-10 mijë.

Sanitare Tirja: Ani, pse të jap unë ty 10 mijë lekë, sa ia fute klizmën?

Denoncuesja: Si? O Tire, sa jepja unë për infermierët?

Sanitare Tirja: Pse t’i jap unë 20 mijë lekë?

Denoncuesja: Po ti m’i merrje mua dhe unë t’i jepja ty. Po ti më thoshe mua: nuk i dua ato lekë, se nuk i ka bërë.

Sanitare Tirja: Po a më the ti mua të shikoje, kush e bën punën?

Denoncuesja: Po pra, shikoje kush e bën punën, po ti s’më ke thënë ndonjëherë mua: “Merre këtë 10 mijë lekshin se i dhashë 10 mijë lekë”!

Sanitare Tirja: Jo nuk ta kam thënë, kjo është e vërtetë, po ne s’mbaruam punë bashkë.

Denoncuesja: Nuk po llogaris lekët, që kam dhënë për infermierët, që kanë qenë lekë pa fund. Më ka shkuar dhe 250 mijë dita, që ti e di shumë mirë.

Sanitare Tirja: O Ani, po ti e di, pse nuk e more me e ballafaquar, vetëm të nxirrje të vërtetën si është? …

Denoncuesja: Të ballafaqoj unë, po n.q.s të ballafaqoj me infermierë, që s’kanë marrë lekë, ça do bësh? Ok, do e ballafaqojmë edhe këtë pjesë, unë jam gati, që sot me e ballafaquar edhe këtë pjesë.

Sanitare Tirja: Po unë prandaj të thashë të merremi vesh si njerëz ..!

Denoncuesja: Unë që sot jam gati të ballafaqohemi me këdo!

Sanitare Tirja: Mua s’më erdhi mirë, se e kishte marrë vesh gjithë Sanatoriumi. Të thashë: hajde flasim si njerëz…!

Denoncuesja: Tire! Para jetës së mamit, që sot kalbet në dhe, mua më ikën shumat e lekëve…

Sanitare Tirja: Me Bonën, çfarë është ai tjetri, me Mirelin, s’ishin këta çunat pyeti një për një…

Denoncuesja: Ok! Unë do e ballafaqoj. Jam shumë gati, që ta ballafaqoj me të gjithë, se unë i ula të gjithë edhe Bona edhe të gjithë më kanë thënë, që nuk kemi marrë lekë…

Sanitare Tirja: Sinqerisht e ke…?!

Denoncuesja: Sinqerisht e kam dhe jam e sigurtë për këtë pjesë. Tire! Mami im po kalbet ne dhe sot. Babi është drejt asaj rruge. Unë jam vetëm me dy fëmijë të vegjël, kam dy muaj, që nuk i shoh fëmijët me sy…të dola borxhit, o Tire edhe të thashë po të fal.

Sanitare Tirja: Është e vërtetë. Unë këtë desha, të bisedonim bashkë me qetësi…

Denoncuesja: Megjithatë, unë dua, që të më thuash, se kur do të m’i japësh lekët? Pak nga pak, si do m’i japësh të paktën pjesën, që me ke marrë mua?

Sanitare Tirja: Do ta gjejmë zgjidhjen…

Denoncuesja: Unë pres përgjigje nga ty

Sanitare Tirja: Do flasim prapë!

Denoncuesja: Në rregull!

Marrë nga tvklan.al



14 Comments

    1. Cfar do te thuash me kete?
      Sipas kesaj llogjike qe po perdor ti, meqenese gruaja e komshiut eshte e perdale atehere nuk ka problem nese edhe gruaja jote eshte e tille.
      Ketu fajtore jane paksa te gjithe si ajo pastrusja qe ka mar leket, si kjo qe ia ka dhene ashtu dhe shteti qe nuk bene asgje per qytetaret.

    2. Kjo eshte drama e vertete e shqipries sote per keto gjera duhet te protostojme e Jo kure na thrrasin disa hajdute e vrase si Lulzim Basha ilir meta e Sali Berishes e djali i Sali Lushes te nje hajduti pulashe ajo nena e ngjora mundet te kishte qen Nena e kuj do prej nesh se hajdutat politikane nenat e tyre i qone jashte shteti dhe ne spitalet private. Lulzim Basha dhe hajdute e ti kane 2 dite qe flasin se sa mire Ka ngren darker Arben Ametaj ne Dubaja kur vet Ka vjedhe 250 miljon evro veq ne nje rruge prandaj jemi ku jemi se ne mize e bejme bulle dhe bullin mize po te ishte ne shqipri do kisha dale ne proteste per ket rast keto Jane plagete e verteta te Shqiprise

      1. Po ti qeke idiot(e) komplet. Edhe tani Saliu e ka fajin? Po ngrihu mor i mjere , e thuaj nje fjale per ate qe na can bythen nga mengjesi ne darke per ket sistem te rilindur te shemdetesise. Ngrihu ndaj ketyre ndyresirave , qe vec emrin njerez nuk e meritojne. Se si kjo sanitarja ka plot te tjere. Po duke fajesuar akoma Berishen nuk do ecim para ta dish . Vec prapa do bejme. Dhe ketu nuk e kam fjalen vec per zhvillim ekonomik.
        Por dua te them qe duke mos u pajtiar me padrejtesite, duke thene se edhe ata te tjeret ishin me keq, te pakten do ndryshojme e do zhvillojme mentalitetin.

  1. Hani mut tani i sufllaqexhinjte e Ridhjerjes se shendetesise falas!
    Ju qifte Moz Cigarja dhe Meri Gelbaze grate!

  2. E mos mos e ekzagjeroni kaq shume. Keto raste ndodhin dhe ne vende te tjera si ne Congo, Mozambik, Uganda,Etiopi. Madje, per keto raste jane bere dhe filma – do thoshte Gebelse Spiropali.

    Prit noj dite kur te fillojne te beje operacione dhe skanera pastruset e spitaleve (pasi hoqi ate doktorin se nuk i bente fresk idiotlleqeve te Rilindjes)

  3. Gjeja me e felliqur qe ka bere Rama eshte se ka lejuar qe ne Shqiperi te futen ilace te pa certifikuara ne BE.
    Une punoj vete ne sistemin e shendetesise dhe mund tju dhem me bindje qe gjate ketyre 4-5 viteve te fundit cdo gje ka ardhur drejt degradimit, eshte e vertete qe qeveria dhe banka Boterore kane bere disa investime dhe kane ardh ca aparatura dhe pajisje te reja, por ama fryma eshte perkeqesuar ndjeshem, sidomos keto 3 vitet e fundit.
    Ne kohen e Saliut pushtetaret kerkonin 10-20% per te dhene tendera ne fushen e Shendetesine, ndersa keta ujqerit e kane cuar ne 40-50% dhe duhet tu lepiesh qe te ta japin. etj etj….

  4. Tire, fale teje neser do vije nje cante tjeter me vaksina. Cdo e keqe e ka nje te mire thone:)

    O Edi Rama, “te fala”:)

  5. kjo eshte fryma qe kane futur ne cdo qelize te vendit arrogance, korrupsion dhe imoralitet qeveria me Km ne krye Se ajo pastruesja dhe ne mos qofshin edhe te tjere pas saj nuk do bente ashtu po te mos shihte qeverin qe hante biftek tek Nusreti

  6. Duhet tju kujotj virgjereshave opozitare qe kjo ndodh cdo dite qe nga 90 dhe mos te bejm si eshte nje dukuri e sotme.
    Kjo eshte tragjedia jone, sepse sistemi nuk do ndryshoje se del nje politikan e thote tani do mendojm per popullin.
    Fatkeqesisht ky fenomen sdo shduket kurre sepse eshte i ngulitur deri ne palce tek ne.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *