Një mrekulli futbollistike thuajse e hedhur në erë. River Plate duhej të përmbyste 0-3 në shtëpi të pësuar në gjysmëfinalen e vajtjes, por në fund “Milionerët” vetëm kanë flirtuar me finalen. Argjentinasit kanë arritur të fitojnë në fushën e Palmeirasit në gjysmëfinalen e kthimit të Kupës Libertadores, por 0-2 në San Paolo nuk mjaftoi për të gjetur hapin për të vajtur në finalen e Ligës së Kampioneve të Amerikës së Jugut.
Janë të gjelbrit finalistët e parë të Kupës Libertadores, apo të aktivitetit madhor për klubet të Conmebol: për skuadrën braziliane bëhet fjalë për një kthim pas 20 vjetësh në këtë finale që nga hera e fundit që ka diskutuar këtë kompeticion.
Finalja do të luhet më 30 janar në “Maracana” në Rio de Zhaneiro. Emri i finalistes tjetër do të njihet mesnatën e së mërkurës pas përfundimit të takimit Santos – Boca Juniors. Ndeshja e parë e luajtur në “Bombonera” të Buenos-Aires ka përfunduar 0-0.