Reshjet e dendura të borës në Qarkun e Korçës kanë sjellë probleme në disa zona. Aktualisht në komunën e Dardhasit të sipërm dhe zona e Panaritit dhe Lekasit, ku bora ka arritur ne 30 cm, janë izoluar.
Mësohet se në fshatin e Dardhës qarkullimi është i detyrueshëm me zinxhirë, ndërsa e vështirë bëhet kalimi për shkak të prezencës së akullit në rrugë.
Në videon e publikuar shihen pamjet nga Qafa e Qarrit, ku borëpastruesja pastron rrugën, ndërsa shihet prania e akullit. Si pasojë e temperaturave të ulëta dhe borës, ka pasur probleme me energjinë elektrike në disa zona.