Kryeministri i Japonisë, Yoshihide Suga, është zotuar të shtyjë përpara planet për të mbajtur Lojërat Olimpike Tokyo 2020 , pavarësisht një rritje të rasteve të koronavirusit në qytetin pritës dhe dyshimeve në rritje për qëndrueshmërinë e Lojërave
Duke folur në parlament të hënën, Suga tha se çdo masë që do të merret për të siguruar që Lojërat Olimpike, që do të hapen në 23 Korrik, do të jenë të sigurta, duke i përshkruar ato si “provë e fitores së njerëzimit mbi koronavirusin”.
Japonia ka arritur të mbajë ngarkesën e saj të rasteve me Covid-19 dukshëm më të ulëta se shumë vende të tjera të krahasueshme dhe numri i të vdekurve qëndron në 4,500 që kur raportoi rastin e saj të parë.
Por një rritje e fundit e infeksioneve e detyroi Suga të shpallte një gjendje të jashtëzakonshme në Tokio dhe tre zona fqinje në 7 Janar.
Shumica e Japonezëve kundërshtojnë mbajtjen e Olimpiadës këtë vit, me një sondazh të fundit që tregon se rreth 80% besojnë se ato duhet të shtyhen përsëri – një opsion i përjashtuar nga Komiteti Olimpik Ndërkombëtar [IOC] – ose të anulohet.
Organizatorët e IOC dhe Tokyo 2020 pritet të zbulojnë planet e tyre për një Lojë të sigurt me Covid në pranverë. Masat që thuhet se janë në shqyrtim përfshijnë kërkesën që atletët të kthehen në shtëpi shpejt pasi të kenë mbaruar garën dhe të kufizojnë lëvizjet e tyre ndërsa janë në Japoni.