Zyra për Regjistrimin e Partive Politike dhe Çertifikim i ka propozuar Komisionit Qendror të Zgjedhjeve të certifikojë të gjithë kandidatët për deputetë, duke përfshirë edhe kryetarin e Lëvizjes Vetëvendosje, Albin Kurti.
Për shkak të paqartësive në pikën “q” të nenit 29 të Ligjit për Zgjedhje, pika që ua ndalon kandidimin personave të dënuar në tri vitet e fundit, kjo Zyrë në mbledhjen e KQZ-së të premten ka propozuar që të certifikohen të gjithë kandidatët, duke lejuar hapësirë për ankimim për më vonë.
Lexo më tej: Kulisat/ Pse po pengohet Albin Kurti të kandidojë për deputet
“Ka qenë proces i gjatë me punë të gjatë, duke shqyrtuar aplikacione. Kemi pas 1081 kandidatë, finalja është 1075 nga të njëjtat subjekte politike. Kanë plotësuar të gjitha kriteret minimale. Kemi rekomanduar certifikimin e tyre për ato që aplikohen. Kemi kërkuar shkresa nga institucione të ndryshme disa na kanë ndihmuar e disa kanë konfuzuar. Zyra s’ka arrit plotësisht sqarime për pikën “q”. Zyra jonë për këtë arsye ka vendosur të dalë për certifikim lista ashtu siç është, e nëse ka ankesa mund të ketë ankimime”, kanë thënë nga kjo zyrë. “Të gjitha subjektet si subjekte i plotësojnë kriteret. Ka kandidatë që mund të kenë probleme. Zyra s’ka mundur të vërtetojë për problemet e tyre. Kemi pas dyshime. Është qasje e gjithëpërfshirjes sepse nuk kemi kapacitete që ta vlerësojmë saktë nëse një kandidat mund të ketë probleme”.
Rekomandimi ka nxitur reagim nga kryetarja e KQZ-së, Valdete Daka, që ka thënë se ka paqartësi në rekomandimin e Zyrës për Regjistrim.
“Kërkesat janë dërguar në institucione relevante dhe pas marrjes së përgjigjeve është kërkuar nga subjektet politike të ndërrojnë apo zëvendësojnë kandidatët që kanë ndërruar kriteret. Kam një rekomandim i cili në fakt nuk shpjegon se a i përmbushin këta kandidatë kriteret apo jo. Ne s’kemi të qartë nga ky rekomandim se kush i përmbush e kush jo. Kjo është detyra e parë e zyrës”, ka thënë Daka.
Kjo zyrë ka rekomanduar certifikimin e të gjithë kandidatëve të partive të mëdha në vend.
Ç’eshte ky turp per ne Shqiptaret ngado qe te shkohet dhe ngado qe te shikohet….
Ose lejohet ose jo dhe, ajo vendoset vetem para zgjedhjeve dhe jo pas zgjedhjeve….
Pas lufte vetem sa shkruhet historia….
Kujt i duhet nje Marksist ne kete kohe (barazi per popullin/ duke e lene ne varferine Marksiste dhe, kapitalizem per udherrefyesit/ Marksin me shoke), kush ka nevoj per te…
Ahmet edhe une se du por me ato pisat e pare ehhe bo bajat shume te poshter pervec haradinajt