• |
ide | kryesore

Gjykata Kushtetuese mban sot seancën e parë pas plotësimit me anëtarë të rinj

-Instant, Arkiva, Lajme, Të fundit

Gjykata Kushtetuese do t’i rikthehet sot normalitetit, pas gati 3 vitesh bllokim.


Vetingu shkarkoi pjesën dërrmuese të anëtarëve dhe kjo gjykatë mbeti vetëm me Vitore Tushën duke mos pasur kuorumin e nevojshëm për shqyrtimin e çështjeve. Në dhjetor numri i anëtarëve të rinj shkoi në 6 (7 bashkë me vitore Tushën që ishte), duke krijuar numrat e nevojshëm për mbajtjen e seancave.


Sot do të zhvillohet seanca e parë dhe në rend dite është një kërkesë e Gjykatës së Tiranës me objekt: “Shfuqizimi si i papajtueshëm me Kushtetutën e Republikës së Shqipërisë i togfjalëshit “nga gjykata e shkallës së parë që ka dhënë vendimin në dhomën e këshillimit”, parashikuar në pikën 1 të nenit 453 të Kodit të Procedurës Penale, si dhe togfjalëshit “… i së njëjtës gjykatë”, parashikuar në pikën 3 të nenit 453 të Kodit të Procedurës Penale, të ndryshuar me ligjin nr. 35/2017.

Janë 25 çështje të bëra gati, që do të shqyrtohen nga gjashtë anëtarët e Gjykatës Kushtetuese.

32 të tjera presin për mbledhjen e gjyqtarëve, më e rëndësishmja e të cilave është padia e shoqatës së bashkive, që kërkojnë shpalljen si antikushtetuese të zgjedhjeve të 30 qershorit 2019, të cilat në atë kohë u kthyen në një front grindjesh politike.

1 Comment

  1. Qe zgjedhjet monopartiake të qershorit 2019 , janë antikushtetuese , këtë nuk ka farë nevojë të na e thotë as OSBE e as Komisioni i Venecias.
    Cilido shqiptar që di të lexojë e përdorë internetin, mjafton të kërkojë në Google tekstin e Kushtetutës, e të lexojë në te që nuk lejohen më në Shqipëri zgjedhje moniste një partiake.
    Pra prova e parë urgjente dhe tepër e rëndësishme për këtë Gjykatë “të re” kushtetuese, është marja në shqyrtim e kësaj shkelje flagrante të Kushtetutës, që në të njejtën kohë është shkelje flagrante e parimit themelor të demokracisë, mohimi i pluralizmit.

Lini një Përgjigje

Adresa juaj email s’do të bëhet publike.

Kthehu