Gazetat gjermane Bild dhe Handelschblatt kanë shkruar se vaksina kundër koronavirusit e prodhuar nga AstraZeneca nuk është tepër efektive për këdo mbi moshën 65-vjeç. Duke cituar burime pranë koalicionit qeverisës të Gjermanisë, shtypi gjerman raportoi mbi diçka që mund të ngrejë pikëpyetje mbi programet e vaksinimit masiv.
Në shkrime e tyre thuhet se zyrtarët gjermanë kanë frikë se vaksina e ndërmarrjes farmaceutike britanike nuk do të miratohet nga organi rregullator europian për njerëzit mbi moshën 65-vjeç. Sipas agjensisë së lajmeve Reuters, kjo është një tjetër goditje e mundshme për AstraZeneca, e cila zhvilloi vaksinën me Universitetin e Oksfordit, pasi kompania i kishte thënë më parë Bashkimit Europian se nuk do të ishte në gjendje të siguronte sasitë e rëna dakord të vaksinave deri në fund të marsit.