Ferhan Hasani është lojtari i ri i Partizanit. Me një lëvizje të vendosur të kuqtë kanë sjellë në kryeqytet një futbollit që ishte gjatë në bisedime me Tiranën, por në fjalën e tij tregoi qartë përse nuk u vesh me fanellën bardheblu. “Do jam maksimumin për ekipin. Jam shumë i lumtur që jam këtu sot. Doja të bashkohesha me Partizanin” ka prerë shkurt gjatë prezantimit fantazisti.
Natyrisht shumë gjëra ende nuk janë diskutuar, por ajo që është e qartë është vullneti i Hasanit për tu vënë në dispozicion të teknikut, madje ‘golin’ e parë ai ia shënon skeptikëve: “Kampionatin shqiptar e njoh mirë e kam ndjekur prej kohësh. Që kur kemi nisur bisedimet kam filluar ta ndjej edhe më shumë. Për ata që thonë se nuk kam minuta në këmbë po i them se do jem këtu për një kohë të gjatë. Do jap maksimumin për të ardhur në formë, si do të shkojë do ta tregojë koha”.