• |
ide | kryesore

Nuk zbatuan masat antiCovid, 885 qytetarë ndëshkohen me gjobë

-Instant, Lajme, Të fundit



885 qytetarë janë ndëshkuar me masë administrative për shkak se nuk kanë zbatuar masat antiCovid në dy ditët e fundit. Sipas njoftimit, Patrullat e Përgjithshme dhe ato të Policisë Rrugore kanë evidentuar dhe ndëshkuar me masën administrative 3.000 lekë secili, 874 qytetarë që janë konstatuar duke lëvizur pa maskat mbrojtëse.

Në ambientet e Policisë janë shoqëruar 9 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi e kanë paraqitur atë, janë ndëshkuar me masën administrative 3.000 lekë dhe më pas janë lënë të lirë.

Gjatë kontrolleve të ushtruara në subjekte të ndryshme, shërbimet e Policisë kanë evidentuar 1 subjekt që ushtronte aktivitetin në kundërshtim me protokollet e sigurisë. Për administratorin e këtij subjekti është vendosur masa administrative 1.000.000 lekë. Po ashtu janë konstatuar 10 qytetarë që lëviznin në rrugë gjatë orarit të ndalimit të lëvizjes, pa arsye të domosdoshme, të cilët janë ndëshkuar me masën administrative 10.000 lekë secili.



2 Comments

  1. Dhe sa me shume gjoba po vejne, aqe me shume po shtohen te infektuarit. Andaj lind pyetja,,,,,mos valle infeksionin po e shtojne gjobat si mase e uljes se infeksionit, por po na del e kunderta.Po deri kur do shkojne keto gjoba, se gjobe sot, gjobe neser e pasneser e tere vitit, e pa efekte, mos valle eshte stil i qeverise per mbushjen e fondeve qe po rrjepin kaqe shume?????

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *