19-vjeçari amerikan Merlin Blackmore është bërë i famshëm ditët e fundit pasi zbuloi super-familjen e tij. I riu tha se ka 1 baba, 27 “mama” dhe 149 vëllezër dhe motra. Ai ka rrëfyer se është lindur dhe rritur në një sekt fondamentalist Mormon në Kanada dhe se kuptoi veçorinë e situatës së tij familjare vetëm në moshën 16 vjeç, kur u regjistrua në shkollën publike. Tani ai e ka braktisur sektin dhe është zhvendosur në Shtetet e Bashkuara ku ka folur për përvojën e tij në mediat sociale dhe në veçanti në TikTok.
“Në shkollën e mesme – thotë Merlin – unë isha duke studiuar ligjet e vendit tonë dhe gjeta atë kundër poligamisë dhe një kapitull i tërë i ishte kushtuar familjes sime, familjes Blackmore”. Sidoqoftë, i riu nuk tregon asnjë inat ndaj babait të tij Winston Blackmore, 64 vjeç, i cili gjithashtu u dënua me 6 muaj në 2017. Si dhe vëllezërit Murray dhe Warren të cilët, duke ndjekur gjurmët e tij, filluan të tregojnë historinë e jetës së përditshme në shtëpitë familjare të komunitetit.
Merlin tregon se ka 7 vëllezër prej mishi të lindur nga të njëjtët prindër. Me 142 të tjerët ai ndan vetëm babanë e tij. Më të moshuarit janë mbi 40 vjeç ndërsa më i riu nuk është ende 1 vjeç. E gjithë familja mblidhet së bashku në raste të mëdha, të tilla si Festa e Falënderimeve.
Komuniteti në të cilin ata jetuan është një realitet më vete, ai ka një shkollë, ku shpesh mund të gjesh vëllezër dhe kushërinj të tu si shokë. Të gjithë të rinjtë e komunitetit e quajnë “nënë” edhe nënën e tyre edhe gratë e tjera të babait të tyre. Foshnjat e lindura në të njëjtin vit mbajnë njëlloj shkronjën e parë të emrit.
Merlin dhe Warren përveç se janë gjysmë-vëllezër janë kushërinj sepse nënat e tyre janë motra. “Ka një përpjekje për të qenë gjithnjë e më shumë një familje dhe gjithnjë e më pak një kult,” shpjegoi Warren në mediat sociale. ©LAPSI.al
Kafsheri e ka emrin