Një aksident ka ndodhur mbrëmjen e sotme në Unazën e Re në Tiranë. Një automjet ka aksidentuar dy këmbësore të cilat kanë përfunduar në spital. Aksidenti ka ndodhur rreth orës 18:10, në Unazë të Re, kur shoferi E. H., ka humbur kontrollin e mjetit dhe është përplasur me bordurën e rrugës.
Dy kalimtare janë përplasur nga mjeti, H. Sh., 70 vjeçe dhe A. Sh., 47 vjeçe. Ato janë dërguar për ndihmë mjekësore në spital.