Pakënaqsi të panevojshme në kampin e Juventus, edhe pas një fitore shumë të rëndësishme, si ajo në gjysëmfinalen e parë të Kupës së Italisë në San Siro, kundër Inter. E gjitha ndodhi, sepse tekniku Andrea Pirlo vendosi të zëvendësojë Cristiano Ronaldon në minutën e 76′, pasi portugezi kishte shënuar dy gola. Vetëm se CR7 ka ‘alergji’ nga zëvendësimet dhe nuk e ka fshehur pakënaqësinë, duke u konfrontuar me teknikun, menjëherë sapo i la vendin Moratas në fushë.
Pirlo i shpjegoi motivin e zëvendësimit, që është pranuar nga portugezi që shkoi më pas të përshëndetej me të gjithë shokët e pankinës. Ashtu si në rastin e parë një vit më parë me Sarrin, tani edhe Pirlo e ka të qartë se cfarë ndodh kur në tabelën e zëevdësimit tregon numrin 7: “Eshtë normale që nuk ishte i kënaqur, por duhet ta ruajmë për kampionatin. Nëse del qoftë edhe ndonjë minutë më herë është në rregull. E tregoi edhe njëherë vlerën e tij, por të shtunën kemi një sfidë të rëndësishme dhe ishte e drejtë ta bënim të pushonte”.
Në fakt Ronaldo e kishte me Kulusevskin, që administroi shumë keq tre kundërsulme që mund ta kishin mbyllur ndeshjen më shpejt. E megjithatë, në këto raste fitorja mbyll cdo polemikë, për më tepër që shumë shpejt vjen Roma dhe të gjithë duhet të jenë gati…