Së fundmi është bërë e ditur se xhirimet e pjesës së tretë të filmit “Fantastic Beasts” janë ndalur pasi një “anëtar i ekipit” doli pozitiv me Covid-19.
Filmi me protagonistë Eddie Redmayne dhe Jude Law, është duke u xhiruar në Warner Brothers Studios në Leavesden, Hertfordshire.Duke konfirmuar lajmin se një person në mesin e ekipit kishte rezultuar pozitiv për COVID-19, një zëdhënëse tha: “Diagnoza u konfirmua si rezultat i testimit të kërkuar dhe të vazhdueshëm që të gjithë punonjësit e prodhimit marrin dhe anëtari i ekipit aktualisht është në izolim.Nga një kujdes i madh, Fantastic Beasts 3 ndaloi xhirimet dhe do të rikthehet në përputhje me udhëzimet e sigurisë”, thuhet në njoftim.