• |
ide | kryesore

Video/ Benzema e Mendy i japin fitore Real Madrid: Zidane është i treti, por Atletico ka dy bonuese

-Instant, Sport, Video



Real Madrid mposhti Getafe 2-0 në rikuperimin e javës së parë të La Liga. Nuk ishte e thjeshtë sfida në ‘Di Stefano’, e luajtur në një shi të rrëmbyeshëm: zhbllokoi ndeshjen i zakonshmi Benzema, me kokë, në minutën e 60-të, ndërsa mbrojtësi Mendy dyfishoi shtatë minuta më vonë. Falë suksesit, merengues janë kthyer në vendin e dytë, duke u ngjitur në -5 nga Atletico (që, megjithatë, ka dy ndeshje më pak), dhe +3 ndaj Barcelonës.

Pesë pikë prapa ‘kushërinjve’ të Atleticos janë ende shumë (sidomos duke marrë parasysh se Colchoneros kanë luajtur dy ndeshje më pak), por ato tre të fituara nga Real Madrid në shiun e pandërprerë që goditi ‘Di Stefano’ janë thelbësore për të vazhduar të shpresojë për një rikthim të madh. Skuadra e Zinedine Zidane fitoi, në rikuperimin e javës së 1, kundër një Getafe këmbëngulës, por shumë e dobët në ofensivë për të qenë në gjendje të imagjinojë një goditje në fushën e kampionëve në fuqi. Megjithatë, porta e mbrojtur nga Soria duket e magjepsur për Blancos dhe është pikërisht portieri mik që provoi të jetë vendimtar në të paktën tre raste shumë të qarta në orën e parë të lojës: Karim Benzema, pa ti devijohet goditja nga portieri në traversë në të 14′, Luka Modric, në minutën e 37 goditi në mënyrë precize dhe të fuqishme duke gjetur sërisht devijimin e portierit kundërshtar dhe në minutën e 48 përsëri sulmuesi francez u bllokua nga Soria pas një goditje të sigurt.

Përshtypja është se duhet diçka e veçantë për të shënuar e ajo diçka arriti në minutën e 60: veprim i shkëlqyer i madrilenëve, topi arriti tek Vinicius Junior që krosoi për Benzema, goditja me kokë e të cilit nuk i la shpëtim portierit kundërshtar. Goditja ishte shumë e fortë për Getafen, që u shemb përfundimisht pak më vonë, në minutën e 67: një francez tjetër, Ferland Mendy, dyfishoi rezultatin. Mbrojtësi u tregua i aftë të devijojë nga pranë, për të mposhtur Sorian për herë të dytë. Faza e fundit e ndeshjes është një shëtitje e thjeshtë për Real Madrid, që rrëmbeu tre pikët në fushë dhe kështu përpiqet të rindërtojë një seri pozitive pas disa luhatjeve. Madrilenët gjejnë vendin e dytë, duke arritur në 46 pikë, 3 më shumë se rivalët e tyre të të gjitha kohërave Barcelonës, të cilët kanë ende një ndeshje më pak.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *