Mister në Berlin. Kasia Lenhardt, modele dhe ish e dashura e mbrojtësit të Bayern Mynih, Jerome Boateng, u gjet e vdekur në shtëpinë e saj. Ajo ishte vetëm 25 vjeç dhe vdekja e saj tani është e rrethuar me paqartësi. Trupin e pajetë të gruas së re – në banesën e saj në Berlin – e ka gjetur policia gjermane. Marrëdhënia midis Kasia dhe Jerome Boateng ka zgjatur pesëmbëdhjetë muaj para se të ndërpritej dy javë më parë. 25 vjecarja, modele që kur ishte shtatë, studente e administratës së biznesit, Kasia Lenhardt u bë e famshme në 2012, kur mori pjesë, shumë e re, në shfaqjen televizive Next Top Model të Gjermanisë.
Në datën 2 shkurt, ditën kur të dy u ndanë, lojtari shkroi në Instagram: “Siç dihet nga media, unë i kam dhënë fund marrëdhënies me Kasia Lenhardt. Nga tani e tutje do të shkojmë në rrugë të ndara. Është për të ardhur keq, por për familjen time dhe për mua është zgjidhja e duhur. I kërkoj falje të gjithëve që lëndova, sidomos ish të dashurën time Rebecca dhe fëmijët tanë. Edhe unë jam i zhgënjyer nga vetja. Një burrë duhet të marrë përgjegjësinë dhe të veprojë në interes të familjes së tij dhe unë po e bëj tani. Kasias i uroj më të mirën. Jerome Boateng”.
Lajmin tragjik të vdekjes e ka konfirmuar kolegia e modeles Sara Kulka, e cila në Instagram komentoi:” Pusho në paqe. Ti person i mrekullueshëm, më mungon dhe do të kisha dashur të të thosha lamtumirë. Shpresoj ta gjesh paqen tënde tani dhe shpresoj që e vërteta të dalë tani, e di sa dëshiron të ishte kështu. Nuk do të të harroj kurrë, nuk njoh njeri që mund të qeshë si ti. Ngushëllime familjes”.