Zëdhënësi i Departamentit Amerikan të Shtetit Edward Price, ka thënë se Shtetet e Bashkuara të Amerikës do ta inkurajojnë Qeverinë e re të Kosovës që ta vazhdojë bisedimet me Serbinë, për normalizimin e raporteve në kuadër të Bashkimit Evropian. Këtë e ka bërë të ditur gazetarja e pavarur Cristina Maza.
“Edward Price tha se “SHBA-të e urojnë popullin e Kosovës për mbajtjen me sukses të zgjedhjeve parlamentare. Kur bëhet fjalë për dialogun me Serbinë, SHBA-ja mbështet fuqimisht bisedimet për normalizim në kuadër të BE-së. Ne do të inkurajojmë qeverinë e re, sapo të formohet, të vazhdojë pikat e cekura” – tha ai.
Presidenti i Shteteve të Bashkuara të Amerikës Joe Biden, i ka dërguar edhe një letër urimi ushtrueses së detyrës së presidentes Vjosa Osmani, me rastin e 13-vjetorit të Pavarësisë së Kosovës. Biden në letër i ka kërkuar Osmanit që Kosova dhe Serbia t’i normalizojnë raportet.
.@nedprice says the US congratulates the people of Kosovo on their successful parliamentary elections. When it comes to the dialogue with Serbia, the US strongly supports the EU normalization talks.
“We will encourage the new government, once formed, to continue those. “
— Cristina Maza (@CrisLeeMaza) February 16, 2021