“Në muajt e fundit kam ndjerë thirrjen e shpirtit tim milanez. Kam rastisur të jem para TV dhe të shikoj ndeshje dhe e gjeta veten duke brohoritur për Interin. Unë mendoj se është e natyrshme për dikë që e do qytetin e tij, por padyshim në derbi zemra ime është tifoze e Milanit”. Silvio Berlusconi nuk e harron të kaluarën e tij të ndritur si presidenti i kuqezinjve edhe pse dashuria e tij për Milanon e shtyn atë të simpatizojë edhe kushërinjtë e tij.
Dhe afeksioni për ngjyrat kuqezi mund të shihet gjithashtu kur ai flet për Ibrahimovic: “Ai duhet ta përfundojë karrierën e tij në një mënyrë të shkëlqyer dhe unë rekomandoj që ta bëjë atë tek Milan”. Ish-kryeministri nuk harron edhe ekipin aktual, Monza, në garë të plotë drejt Serie A: “Ne e filluam keq sepse kishim nëntë titullarë me covid, pastaj e morëm veten. Djemtë e dinë objektivin dhe nëse Boateng resht së humburi penallti mendoj se mund ta arrijmë “, shtoi ai me shaka.
Pastaj Berlusconi ka edhe një këshillë për Brocchi: “Unë kam parë që në ndeshjet e fundit sulmuesit tanë, veçanërisht Balotelli, kanë prekur shumë pak topa. Mendoj se kemi nevojë për një mënyrë të re të lojës, një ndryshim të skemës, duhet të jemi më të mbuluar në mbrojtje dhe të rinisim shpejt dhe me më shumë thellësi. Kundër Monzës të gjithë mbrohen me shumë lojtarë kështu që ne duhet të futemi shumë shpesh në zonë, sepse aty ku nuk është e mundur të shënojmë mund të gjejmë ndonjë penallti”.