Niset drejt Tiranës për të marrë trajtim të specializuar, kryevaksinuesi Piro Begaj, i cili u raportua se pësoi gjendje të fikti pak para nisjes së procesit të vaksinimit në Vlorë.
Mjeku ka pësuar një ishemi (hemorragji cerebrale) nga luhatja e tensionit.
Burime bëjnë me dije se mjeku ka reaguar në Spitalin e Vlorës, dhe më pas është nisur drejt Tiranës për trajtim më të specializuar, shkruan panorama.al.
Me gjithë incidentin procesi i vaksinimit ka vazhduar normalisht, ndërsa të pranishëm ishin edhe kryeministri Edi Rama dhe ministrja e Shëndetësisë Ogerta Manastirliu.
Pas Tiranës, procesi i vaksinimit nisi në Shkodër, ndërsa sot është zhvendosur edhe në Vlorë. Bëhet fjalë për 1500 doza dhe 745 persona që do të vaksinohen si pjesë e stafeve mjekësore.