• |
ide | kryesore

Pse politika e qeverisë që disa ti vaksinojë dhe të tjerët ti ekspozojë përballë vdekjes ka gjenezë genocidiste

-Instant, Arkiva, Blog

Nuk ka asgjë të hatashme në kundërshtimin tim ndaj politikës që dikush të vaksinohet me prioritet për shkak se është “personalitet i shquar”?, sikurse u tha diku në Fier.


Pushteti politik nuk ka asnjë të drejtë të shpërndajë të drejtën për jetën me tallona si dikur lavatriçet sipas preferencave të tij subjektive dhe sipas “meritave”.


Kjo bie ndesh me kushtetutën e Shqipërisë dhe me çdo kartë etike në mjeksi.

Problemi nuk është Alfredi, Tinka apo Anesti… Ata të rrojnë sa më shumë, dhe me shëndet, sikurse e ka bërë Zoti! Por, nuk ka nevojë të mësojnë ata popullin si të vaksionohet sepse ja mësuan mjekët. Ja mësoi kryeministri.

Rrjetet sociale, ku do i merr në konsideratë, kur nuk do quhen “kadrinj”

Po, është eugjenizëm sepse e lidh të drejtën për jetën me tipare “të veçanta”, dhe ndan njerëzit përballlë vdekjes në “ata” dhe “ne”.

Po, një politikë e tillë është parimisht e mbështetur në botëkuptim që qoftë edhe pa e ditur dhe padashjen ka fillime ideologjie genocidiste, sepse 80 vjeçarëve “jo personalitete” u thotë me nënkuptim : “Ju të tjerët prisni! Ekspozohuni vdekjes sepse kaq merita keni! ”

Kush njeri që ka një gjysh a një gjyshe, një babë a një nënë, ka edhe pak cipë, do ta pranonte këtë?

Nuk thashë se është genocidizëm si Tucit që shfarosën Hucit, as se po hidhet napalm, por në parim është një fillim i rrezikshëm që duhet hequr dorë. Nuk ka kuptim të vaksinohen Tucit dhe të mos vaksinohen Hucit!!!

Meqë krahasohemi me botën, cili vend amerikan apo europian e ka bërë këtë? As Kina jo, as Rusia jo. As Turqia jo.

Nuk ka asgjë të hatashme. Eshtë detyra më normale e një profesori të filozofisë t’ua shpjegojë kështu etikën e pushtetit dhe jetës, çdo studenti, por edhe çdo qytetari. Unë nuk e di si e shpjegojnë këtë në Universitetin Politeknik të Stambollit, por jam i sigurt se në Paris, Berlin, Romë, Standford e shpjegojnë pikërisht kështu. Tani edhe para 25 vjetësh.

Pushteti poitik nuk duhet të bjeri në blasfemi dhe të zejë vendin dhe të marri rolin e Zotit. Roli i “babës” mjafton! Nëse dikush nuk bindet me fjalën time, le t’u drejtohet publiksisht drejtuesve të komuniteteve fetare, apo eticienëve kudo në botë dhe do të shohi se çfarë përgjigje do t’i japin.

Por ne nuk kemi këshilla etike në institucione sepse studentët e filozofisë i lemë 100 për 100 pa punë!

Në mos qoftë me aromë genocidiste, cinike po, se po!

2 Comments

  1. Me vjen rende,te komentoj kete shkrim nayrisht real,por akoma me rende,me vjen per keta “personalitete”,qe e ulen kaq poshte,kete “epitet”,duke e treguar kaq hapur,egoizmin e tyre.Te pakten,te ishin treguar nje here “origjinale”,sepse si interpretues,i kemi njohur mjaftueshem.Turpi ne kete moshe,eshte edhe me i rende per ta.Do ndjeke turpin e kolegeve te tyre qe e drodhen ,per teatrin,me Ndreniken ne krye.Normale,kane henger,ne te njenjtin canak.Por jeten ta jep,dhe ta merr vetem Zoti (pamvareissht,qe shume prej ketyre “personaaliteteve-por me “p” te vogel,jane ateiste dhe jane mburrur,me kete edhe gjate jetes se tyre),dhe vaksina eshte (sic thone),per te mbrojtur deri diku,prej Covitit,por jo prej fatit te Zotit.Me teper se vaksinat,keta “personalitete”do i mbronte vete admirimi dhe urimi qe populli do kishte per to.Pranimi (me turp),i vecimit te tyre (Nga nje kryeminister karagjoz,e hileqar,i pa turp dhe pa din e imam) sikur i cnderoi dhe ja hoqi admirimin dhe urimin polullor.

  2. Si gjithe shkrimet e tije pa mish e pa kocke! As analist as politikar, as fafbulist as shkrimtar, as as as gje!

Lini një Përgjigje

Adresa juaj email s’do të bëhet publike.

Kthehu