Në javën e 24 të La Liga, Atletico Madrid u ndal përsëri, këtë herë duke humbur 0-2 kundër Levante: Morales dhe De Frutos ishin vendimtarë. Afrohet kështu në klasifikim Reali i Zidane, që me Casemiron kalon ngushtësisht Valladolid, ndërsa Valencia fiton in-extremis: 2-0 ndaj Celta Vigo në kohën shtesë, golat nga Vallejo dhe Gameiro. Elche më në fund iu kthye suksesit kundër Eibar, falë goditjes me kokë të Dani Calvos.
Minimumi i duhur, madje edhe me ndonjë rrezik të tepërt. Por thelbi është se tani, në prag të derbit kryeqytetas, Real Marid është -3 prapa kushërinjve të tyre të Atlético. Në Zorrilla, Blancos u shfaqën me një formacion të ripunuar për shkak të një infermierie të mbushur dhe aksioni më i mirë i pjesës së parë është në të vërtetë në këmbët e vendasve, me Courtois që duhet të bëjë mrekullinë për ti mohuar avantazhin Jankos. Cilësia e dy formacioneve në fushë nuk është e krahasueshme, por deri në pushim Real Madrid është më i frikësuar, duke u evidentuar përpara vetëm me dy gola të anuluar për pozicion jashte loje të Mariano Diaz.
Pjesa e dytë hapet saktësisht në të njëjtat linja, me një mungesë vëmendje të Madrid që për pak u ndëshkua nga goditja e Orellanës në distancën e penalltisë: Courtois bën të pamundurën për të ruajtur 0-0. Për të hequr gështenjat nga zjarri, megjithatë, mendoi në minutën e 20 njeriu i golave të rëndë në shërbim të Zidane, Casemiro. Në një goditje dënimi të Kroos, mesfushori brazilian goditi me kokë duke i dhënë avantazhin Realit. Valladolid ndoshta meritonte dicka më tepër nga ajo që thotë tabela e rezultateve, por gjithmonë mungonte diçka e vogël për të ndëshkuar miqtë e famshëm.