Vllaznia nuk po kalon momentin më të mirë të sezonit dhe kjo ishte e kuptueshme dhe nuk është se duhej pritur ndeshja me Skënderbeun për ta konfirmuar, por në Korcë barazimi 1-1 me bardhekuqtë ka hapur krejtësisht kampionatin, me Teutën e Laçin që janë afruar e me Partizanin që mund të mbërrijë në -4 në rast se fiton kundër Kukësit.
Skuadra e drejtuar nga Brdariç nuk ka shkur më shumë se barazimi 1-1 në transfertën ndaj Skënderbeut të vendit të fundit. Ndoshta mungesat e shumta të shkodranëve e vështirësuan punën e teknikut gjerman, por avantazhi i shpejtë i korçarëve, me supergolin e Duvunës, në minutën e tetë, ia bëri ndeshjen në ngjitje. Vllaznia u mundua të bënte dicka, por në pjesën e para asgjë nga inisiativat kuqeblu nuk arriti të depërtojë murin korcar përpara Dajsinanit.
Skuadra e Memellit ishte e vendosur mirë në fushë edhe në pjesën e dytë të lojës, por u dorëzua në minutën e 58 kur Viktor pengoi brenda zonës Da Silvën, duke shkaktuar një 11 metërsh që Harris Dilaver, e shndërroi në gol. Kuqeblutë insistuan për të gjetur golin e fitores, por Skënderbeu u mbyll prapa, në mbrojtje të një pike kundër kryesuesve, që do ti shërbejë shumë në luftën për mbijetesë.
Skënderbeu, ka barazuar me pikë në renditje Apoloninë e vendit të parafundit, teksa diferenca me Bylisin e vendit të 8-të është thelluar në -2 pikë. Në 5 ndeshjet e fundit në kampionat, skuadra shkodrane ka arritur të sigurojë vetëm një fitore, duke lëshuar ndjeshëm terren me ndjekësit, duke e bërë tshmë kampionatin edhe më emocionues.