• |
ide | kryesore

Kris arma për parkimin në Durrës/ Plagosen nënë e bir, arrestohet autori

-Instant, Arkiva, Lajme, Të fundit

Policia e Durrësit jep detaje për ngjarjen e rëndë që ndodhi rreth orës 20.10 në lagjen 12 të këtij qyteti ku u plagon me armë nënë e bir.


Sipas policisë pas një konflikti të çastit për motive të dobëta (për një vend parkimi), fillimisht me sende të forta, një person i identifikuar si Zyber Juba, rreth 45 vjeç, ka plagosur me armë zjarri në këmbë Flamur Çerma, rreth 23 vjeç.


“Si pasojë e të shtënave është plagosur në këmbë dhe shtetësja V. Çerma, rreth 45 vjeçe, (e ëma e Flamur Çermës.,), e cila ndodhej në momentin e konfliktit dhe është dërguar në spital nga shërbimet e Policisë dhe ndodhet bashkë me djalin nën kujdesin e mjekëve, jashtë rrezikut për jetën” – thotë policia.

Policia tha se autori i dyshuar i plagosjes Z. J., është shoqëruar menjëherë në ambientet e Policisë së Durrësit. Një grupi hetimor ndodhet në vendngjarje dhe po punon për zbardhjen e rrethanave të ngjarjes. ©LAPSI.al

Lini një Përgjigje

Adresa juaj email s’do të bëhet publike.

Kthehu