Një prej lajmeve më të diskutuara mbretërore javën e kaluar ka qenë fakti që Mbretëresha Elizabeth u hoqi patronazhet e tyre Dukeshës Meghan Markle dhe Princit Harry, pasi ata konfirmuan se nuk do të kthehen si anëtarë të familjes mbretërore. Çifti i njohur reagoi menjëherë pas kësaj deklarate.
Me sa duket, Princi William nuk është aspak i lumtur nga deklarata e Meghan dhe Harry-t mbi këtë çështje.
Në deklaratën e pallatit shkruhej, pjesërisht:
“Pas bisedave me Dukën, Mbretëresha ka shkruar dhe konfirmuar se duke u larguar nga puna e Familjes Mbretërore nuk është e mundur të vazhdosh me përgjegjësitë dhe detyrat që vijnë me një jetë të shërbimit publik.”
Ndërkohë, Meghan dhe Harry thanë në deklaratën e tyre:
“Ne të gjithë mund të jetojmë një jetë në shërbim. Shërbimi është universal”.
Sipas The Sunday Times, William është me të vërtetë i inatosur dhe i tronditur nga vëllai i tij për përgjigjen që i dha deklaratës së Mbretëreshës. Ndërsa një burim ka thënë se ai është “shumë i mërzitur nga ajo që ka ndodhur” dhe mendon se veprimet e Sussexes janë fyese dhe mosrespektuese. Një burim tjetër shtoi se ata “nuk duhet t’i përgjigjeshin mbretëreshës – thjesht nuk duhej bërë”.
Statement from Buckingham Palace on Prince Harry and Meghan, the Duchess of Sussex: pic.twitter.com/uUU6J9SW02
— Omid Scobie (@scobie) February 19, 2021