• |
ide | kryesore

Ndoka arrin marrëveshjen me Bashën, pritet edhe firma e FRD-së

-Instant, Arkiva, Lajme, Të fundit

Kanë qenë orë intensive takimesh këto të fundit në Partinë Demokratike. Para pak çastesh ka dalë prej andej kryetari i PDK-së Nard Ndoka që konfirmoi se kishte arritur marrëveshjen për të garuar në një listë me PD-në. Gjatë paradites mes Ndokës dhe Bashës kishte pasur një marrëveshje në parim, por nuk dihet se përse palët u larguan nga qëndrimet.


Një takim që zgjati rreth 1 orë në selinë blu duket se ka sqaruar situatën dhe Ndoka vendosi të hedhë firmën në listën e PD-së. Burimet thanë se Ndoka kërkonte garanci që të përfshihej në pjesën e sigurt të listës së deputetëve në qarkun e Shkodrës.


Në selinë e PD-së ka qenë edhe përfaqësuesi i Partisë Fryma e Re Demokratike, Sali Shehu që u tha gazetarëve se do të marrë kohë për të diskutuar mbi propozimin e bërë nga PD-ja. Shehu deklaroi se ka kërkuar nga Partia Demokratike që përfaqësimi politik të jetë në bazë të peshës elektorale që ka FRD-ja. Ai u shpreh optimist se marrëveshja do të arrihet. Në mesnatë është afati i fundit për dorëzimin në KQZ të koalicioneve parazgjedhore. ©LAPSI.al

2 Comments

  1. Lulzim Basha nënshkruan koalicionin me kristiandemokratët e Mark Frrokut, i gëlltiti akuzat për inkriminim në politikë?!Byrektoret e pd te gjithe gati te lepijni peshtymen e lulzimes me kete marveshjet

Lini një Përgjigje

Adresa juaj email s’do të bëhet publike.

Kthehu