Pavarësisht vendit të katërt në renditje dhe një qasje shumë e afërt në 1/8 e Europa League, Paulo Fonseca është larg nga të qenit i sigurt për një të ardhme në krye të Romës. Stuhia pas eleminimit nga Kupa e Italisë, çështja Dzeko dhe disa keqkuptime me grupin dhe drejtuesit, sugjerojnë se e ardhmja e tij është larg Italisë, edhe për shkak se shoqëria verdhekuqe duket e gatshme të përqendrohet te Allegri për sezonin e ardhshëm.
Ish-trajneri i Juventusit ka qenë gjithashtu në orbitën Real Madrid që tani, në një qarkullim kompleks pankinash, po konsideron seriozisht opsionin Fonseca për post-Zidane. Blanco i pëlqen stili, qetësia por mbi të gjitha cilësia e lojës së portugezit, e vlerësuar që kur ishte në krye të Shakthar Donetsk. Por nuk është vetëm Real. Edhe Benfica po mendon ta kthejë në vendlindje. Kthimi i Jorge Jesus në stol nuk çoi në rezultatet e pritura dhe shkarkimi duket gjithnjë e më i mundshëm. Synimi do të ishte të vazhdonin me një trajner provizor deri në qershor dhe më pas të përqendrohen për të marrë Fonseca. Gjithnjë nëse e lejon Real…