Periudhë e zezë për Alisson Becker, në plot kuptimin e fjalës. Sikur të mos mjaftonin ndeshjet me gabime dhe performanca nën nivelin e brazilianit, që kthyen në Anfield Road fantazmat e Karius, në mbrëmje portieri i Liverpool ka marrë lajmin për vdekjen e parakohshme të babait të tij José Agostinho Becker.
57-vjeçari, gjithashtu babai i Muriel, portierit të Fluminenses, është mbytur në një digë në fermën e tij në Rincão do Inferno, në shtetin brazilian të Rio Grande do Sul. Kërkimet filluan disa orë pas mungesës së tij dhe në mbrëmje zhytësit gjetën trupin e pajetë.
Com muito pesar, o São Paulo FC recebe a triste notícia da morte de José Agostinho Becker, pai dos goleiros Alisson e Muriel. Nossas condolências e solidariedade aos dois atletas e a seus familiares. Muita força e muita luz neste momento.
— São Paulo FC (@SaoPauloFC) February 25, 2021